MONSEIGNEVR
Vostre tres-humble serviteur «n Iesvs-Christ, Fr. Gabriei^ SAGARD,
Indigne Recollet, De Paris, ce 31 luiliet 1632.
AU LECTEVR
■ vne vérité cogneuë de tous, et des 6 Infidèles mesmes (disoit un sage des Ga- 3 ramantes au grand Roy Alexandre) que a perfection des hommes ne consiste point à voir beaucoup, ny à sçauoir beaucoup ; mais en accomplissant le vouloir et bon plaisir de Dieu. Cette pensée a tenu longtemps mon esprit en suspens , sçauoir si ie deuois demeurer dans le silence, ou agréer  tant d'âmes religieuses et séculières , qui me 5ollic<-
toient de mettre au iour, et faire voir au public, le narré du voyage que i'ay fait dans le pays des Hurons ; pource que de moi-mesme le ne m'y pouuois résoudre . Mais enfin, après auoir considéré de plus prés le bien qui en pouuoit retissir à la gloire de Dieu , et au salut du prochain , auec la licence de mes Supérieurs i'ay mis la main à la plume, et décrit dans cette Histoire et ce Voyage des Hurons, tout ce qui se peut dire du pays et de ses habitans. La lecture duquel sera d'autant plus agréable à toutes conditions de personnes, que ce Hure est parsemé de diuersité de choses : les vnes belles et remarquables en vn peuple Barbare et Saunage, et les autres brutales et inhumaines à des créatures qui doiuent auoir de la raison , et recognoistre vn Dieu qui les a mis en ce monde, pout iouyr après d'un Paradis. Quelqu'vn me pourra dire que ie deuois me seruîr du style du temps , ou d'vne bonne plume , pour polir et enrichir mes mémoires , et leur donner iour au trauers de toutes les difficultez que les esprits enuieux (auiourd'huy trop frequens) me pourroient obiecter : et en effet , i'en ay eu la pensée , non pour m'attribuer le mérite et la science d'autruy; mais pour contenter les plus curieux et difficiles dans les entretiens du temps. Au contraire , i'ay esté conseillé de suiure plustost la haïfueté et simplicité de nion style ordinaire (lequel agréera tousiours dauantage aux personnes vertueuses et de mérite), que de m'amuser à la recherche d'vn discours poli et fardé, qui auroit voilé ma face , et obscurci la candeur et sincérité de mon Histoire , qui ne doit auoir rien de vain ny de superflu.
le m'arreste icy tout court , ie demeure icy en si-
lence , et preste mon oreille patiente aux aduertissemens salutaires de quelques zelans , qui me diront que i'ay employé et ma plume et mon temps, dans vn sujet qui ne rauist pas les âmes comme vn autre sainct Paul , iusqu'au troisiesme Ciel. Il est vray , i'avouë mon manquement et mon démérite; mais ie diray pourtant, et auec vérité, que les bonnes âmes y trouueront de quoy s'édifier, et louer Dieu qui nous a fait naistre dans vn pays Chrestien , où son sainct nom est recogneu et adoré, au prix de tant d'Infidèles qui viuent et meurent priuez de sa cognoissance et de son Paradis. Les plus curieux aussi, et les moins deuots, qui n'ont autre sentiment que de se diuertir et d'apprendre dans l'Histoire l'humeur, le gouuernement , et les diuerses actions et cérémonies d'vn peuple barbare , y trouueront aussi de quoy se contenter et satisfaire, et peut-estre leur salut, par la reflexion qu'ils feront sur eux-mesmes.
De mesme , ceux qui poussez d'vn sainct mouuement désireront aller dans le pays pour la conuersion des Sauuages, ou pour s'y habituer et viure chrestiennement, y apprendront aussi quels seront les pays oU ils auront à demeurer, et les peuples auec lesquels ils auront à traicter^ et ce qui leur sera besoin dans le pays, pour s'en munir auant que de se mettre en chemin. Puis nostre Dictionnaire leur apprendra d'abord toutes les choses principales et nécessaires qu'ils auront à dire aux Hurons, et aux autres Prouinces et Nations , chez lesquels cette langue est en vsage, comme aux Petuneux, à la Nation Neutre, à la Prouince de Feu, à celle des Puants, à la Nation des Bois, à celle de la Mine de Guyvre, aux Yro-.
quoisyà la Prouince des Cheueux-Releuez, et à plusieurs autres. Puis en celle des Sorciers , de ceux de l'Isle , de la petite Nation et des Algoumequins , qui la sçauent en partie , pour la nécessité qu*^ils en ont lorsqu'ils voyagent , ou qu'ils ont à traicter auec quelques personnes de nos Prouinces Huronnes et Sédentaires.
le responds à vostre pensée, que le Christianisme est bien peu aduancé dans le pays, nonobstant nos trauaux y le soin et la diligence que les Recollets y ont apportés, bien loin des dix millions d'âmes que nos Religieux ont baptizé à succession de temps dans les Indes Orientales et Occidentales , depuis que le bien-heureux Frère Martin de Valence, et ses compagnons Recollets y eurent mis le pied , et fait les premiers la planche à tous nos autres Frères^ qui y ont à présent un grand nombre de Prouinces, remplies de Couuents, et en suite à tous les Religieux des autres Ordres, qui y ont esté depuis.
C'est nostre regret et nostre desplaisir de n'y auoir pas esté secondez^ et que les choses n'y ont pas si heureusement aduancé, comme nos espérances nous promettoient, faiblement fondées sur des Colonies de bons et vertueux François qu'on y deuoit establir, sans lesquelles on n'y aduancera jamais gueres la gloire de Dieu et le Christianisme n'y sera iamais bien fondé. C'est mon sentiment et celuy de tous les gens de bien non seulement; mais de tous ceux qui se gouuement tant soit peu auec la lumière de la raison .
Excuse, si le peu de temps que i'ay eu de composer et dresser mes Mémoires et mon Dictionnaire (après
XVM
la resolution prise de les mettre en lumière) y a fait escouler quelques légères fautes ou redites : car y trauaillant auec vn esprit préoccupé de plusieurs autres charges et commissions , il ne me souuenoit pas souvent en vn temps, ce que i'auois composé et escrit en vn autre. Ce sont fautes qui portent le pardon qu'elles espèrent de vostre charité, de laquelle i'implore aussi les prieras, à ce que Dieu m'exempte icy du péché, et me donne son Paradis en l'autre.
