Var. : « multiplié en l'humain lignaige. » C

14 LE JOU'STNCEL.

Et pour ce que discord et discension de tout temps ont eu cours es parties du monde, ce n'est point à doubter que, s'ilz ont cessé es aucunes^ parties de la terre, qu'ilz n'ayent tant plus renfforcé et renouvelle es autres ; pour ce aussy que entre les bons et les mauvais* indifferentement la guerre^ puet avoir cours, combien que cellui n'est pas bon ne bien conseillé qui donne occasion de la commencer ^ ; neantmoins cellui n'est pas à reprouver qui la continue pour son droit garder et deffendre. Et pour ces causes a esté ordonné le très noble et très excellent estât de chcvallerie pour conserver, deffendre^ et garder lepueple en transquillité, qui communément est le plus grevé par les adversité/ de la guerre. Sy ne doivent pas seullement les bons et vaillans chevalliers, cappitaines et souldoyers adrecier et conduire les dures entreprises de batailles par force de bras et multitude de gens, mais aussi par subtillité et bonne prudence, par le moyen desquelles nous lisons en plusieurs histoires, entre autres ou livre des Roix, grant habondance de Phillistiens et estrangiers avoir esté soubmiz, subjuguez et vaincus par le petit pueple d'Israël. Et la cause estoit la bonne discrétion et prudence de ceulx qui en avoient la charge, et meismement l'aide de Dieu, qui doit estre mise devant, car à lui en tous

\. Var. : « meilleures: > Éd. Vérard et Lenoir.