Var. : « mesurée. » Id

. « les destrousserons à nostre plaisir, se Dieu plaist. » Lequel conseil fut approuvé de tous et tenu.

Et Dieu scet comme nostre jeune homme se porta vaillamment en ceste destrousse ; car la présence de son cappitaine et le don qu'il lui avoit fait de sa cuirasse lui doublèrent cœur et hardement de bien faire. Mais, après qu'ilz eurent prins leur proye, ilz s'en retournèrent ou chastel de Luc, où j'estoye aux fenestres en les attendant. Si les apperceuz venir ; et, en venant, firent leur avant-garde de cincq hommes i, desquelz l'un estoit ung petit plus loin devant les autres pour escouter. Ainsi ne demourerent que dix en la principalle route ; et encores de ces dix les deux furent mys^ derrière, pour guetter que on ne les sieuvyst ; et, en eulx retournant, approucherent le plus près de Verset qu'ilz peurent ; car ilz se doubtoient bien que on les guetteroit plustost loing que près.

Ainsi passèrent leur chemin, tant qu'ilz approucherent de Luc. Et je regarday leur façon et leur contenance. Si apperçeu le premier venant, qui hucha le guet en demandant s'ilz avoient riens ouy ; et leur dist qu'ilz feissent habillier et armer ceulx de dedens ; car ses compaignons yenoient, qui avoient prins proye. Et lors le guet fist appareillier le résidu de la garnison tellement que, quant le cappitaine arriva, ilz saillirent au devant de lui ; et ceulx qui de dehors estoient, se mirent en arroy et vindrent le grant train, les lances sur les cuisses, jusques au boullevert. De quoy je me esmerveillay moult. Et en ceste façon entrèrent dedens

l yar : « et au devant mirent garde de cincq iiommes. » B. E, Ed. Verard.