Var. : « exposition. » B

apperçeussent ; et chevaucha par ses journées tellement qu'il arriva devers le Roy et fît son rapport bien et saigement comme il en estoit bien aisé, en disant : « Sire, se vostre plaisir est de secourir vostre ville de « Crathor et voz gens qui sont dedans, il me semble « que je vous ouvreray moyens de par eulx ; par quoy « vous pourrez avoir honneur et grant recouvre- « ment de vostre seigneurie. Sire, veez-cy unes lettres a que le Jouvencel, le vieil cappitaine de Crathor et le « sire de Rocqueton vous envoyent; et se recom- « mandent très humblement à vostre bonne grâce ; et « aussi font tous les autres compaignons avec tous « les habitans de vostre ville. Je vous certiffie, Sire, « qu'ilz ont tous ensemble grant voulloir de deffendre « bien vostre ville et la vous garder à leur povoir. « Et oultre, Sire, leur est adviz que, si vous vouliez « faire diligence de leur aider, qu'ilz seront cause, par « la grâce de Dieu, du recouvrement de toute vostre « seigneurie. Sire, tous ceulx qui y sont, ont liault et « bon voulloir et sont gens de bien. Et sans faulte le « bon homme, le cappitaine de Luc, qui est ancores « cappitaine de Crathor, et le sire de Rocqueton « monstrent bien leurs sens et leur vaillance. Et, « quant au Jouvencel, je croy que vous n'avez en « vostre royaulme homme pour mieulx servir à la « guerre que lui. Et ilz l'ont tous fait leur chief pour « le sens et la vaillance qu'ilz ont trouvé en luy. Et « aussi est il en fleur de guerroier, et les deux autres « sont meshoan vieulx' et ne pevent pas tant de « peine comme lui; mais leur conseil est bon et grant,