DE LA BIBLIOTHÈQUE D'IÉNA
IiNTRODUCTION.
Les haulz et coraigeuz faiz des nobles et vertueuses personnes sont dignes d'estre racontez et escrips , tant et afin de leur bailler et accroistre nom immortel par renomée et souveraine louenge , comme aussi pour esmouvoir et enflamber les cuers des lisans et escoutans , à éviter et fuir œuvres vicieuses deshonnestes et vitupérables et emprandre et acomplir choses honnestes et glorieuses , méritoires de vivre en perpétuel mémoire. Comme il soit ainsi que environ à deux ans je passasse par la conté de Haynnau , ouquel pays a eu par cy devant et encores a de point de très noble et vaillant chevalerie , ainsi comme par les livres des croniques et anciennes histoires est apparant, entre lesquelles au passer que je feys par abbaye assez ancienne , où je vis trois tombes haulles eslevées , et s'appelle l'abbaye de l'Olive. Et pour ce que dès ma première jeunece , ay esté désirant et suis de savoir les
196 GILION DE TRASIGNYES.
haulz faiz avenuz par les nobles et vertueuz hommes du temps passé, moy estant en la dicte abbaye, enquis et demanday les noms d'iceulz trespassez qui dessoubz les trois tumbes gisoient. Dit me fu par l'abbé et couvent que les corps de deux nobles et vaillans dames et leur mari ou milieu d'elles estoient là en sépulture. Leurs noms et surnom me nommèrent et les vey par escript au tour de leurs tombes. Quant je euz veu et leu l'eppitaffe d'iceulz trespassez , je sceu que le tres- Taillant chevalier Gilion de Trasignyes y estoit en sépulture , ou milieu de deux nobles et vertueuses dames en son vivant ses campaignes et espouses , dont l'une avoit esté fille au Soudan de Babilonnes. Parquoy je ne me peu assez csmerveillier. Je requis très instaument à l'abbé et au couvent que plus amplement , me voulsissent raconter et dire comment le dit seigneur de Trasignyes avait eue la dicte fille du Souldan et amenée ou pays de Hayznau. Alors l'abbé par ung de ses religieux me fist apporter ung petit livre en parchemin, escript d'une très ancienne lettre moult obscure eo langue ytalienne. Et après quant j'euz leu et bien entendu la matière qui me sembla estre bien belle et piteable à oïr', je prins la paine et labeur de transmuer le contenu ou dit livret en langue franchoise. Et aussi que les haulz faiz que fist et acheva les tresvaillant et preu chevalier Gilion de Trasignyes et ses deuz filz et leurs grans proesses ne soyent extains, mais augmentez, afin que a tousjours — mais en soit perpétuel mémoire,
GILION DE TIUSIGNYES. 197
poiirce que je scay acertes que ceste histoire sera moult plaisant à oir à vous , treshault tresexcellent et trespuissant prince , et mon tresredoubté seigneur , Pheiippe par la grâce de Dieu, ducdeBourgoigne, deBrabant, de Lottrieh et de Lembourg, conte de Flandres , d'Artois , de Bourgoigne , Palatin , Haynau , Hollande , Zellande etdeNamur, marquis du Saint-Empire, seigneur de Frise, de Salins et de Malines. Jà soit ce que ne soye clerc, ne homme, pour savoir mettre par escript , ne bien aorner le langaige, comme bien appartendroit à l'istoire, pourquoy treshumblement je supplie à vous , mon très redoubté seigneur, que ma simplece vueilliez tenir pour excusée.
