DERNIER CHAPITRE

Comment les enfans de Trasignyes se devisèrent à leur père et du retour qicïlz firent en Haynau.

Ainsi, comme vous oyez, les deux enffans de Trasignyes Irouvèrenl Gilion leur père en la cité de Babilonne, où moult grant joye fu faicte pour leur venue. Alors les deux enfans dirent et racontèrent à leur père toutes leurs adventures ainsi que advenues leur estoyent. Hz lui racontèrent comment ilz vindrent en Cypre et de leur partement, puis comment sarrasins, larrons etcoursaires de mer les prindrent et les depportèrent, c'est assavoir Gérard fu mené vers le roy Margant en Esclavonnie, et moi, dist Jehan, par devers le roy Fabur : puis de la bataille que l'un à l'encontre de l'autre avaient faicte et comment ilz s estoientrecongneuz. Tout ce que advenu leur estoit depuis ce qu'ilz estoient de leur première jounesse, jusques alors, racontèrent à leur père sans riens y oublier. Quant Gilion oya ses deux enfans raconter leurs aventures , trop ne se peut esmerveiller , veu la grant jounece en quoy il estoyent. Moult dévoulement

GILION DE TRASIGNYES. 205

en prist à regracier noslre seigneur, et dit que bien devoit avoirgrant joye au cuer, quant noslre seigneur lui avoit envoyé telz deux enfans. Se la joye et la fesle que firent à ce jour le père et les deux enffans ensemble, vous vouloye raconter, trop vouspourroyeennuier à le vous dire. Alors Gilion leur jura et promist que s'il povoit en manière quelconque soy deppartir delà au plutost qu'il pouvroit, s'en yroit par delà au pays de Haynau. « Ne scay bonnement comment ce pourra faire. Grant joye auroye en mon cuer se tant povoye faire vers le Souldan que aler m'en lassast. Se aucun moyen n'y puis trouver à l'aide de nostre seigneur, si Irouverayje tour et manière.» — «Sire, ce dist Gracyenne. saichiez que sans moy ne partirez; vous m'avez prise à femme et espousée. Par vous et par vostre moyen seray es sains fons baptisée et levée , selon la loy de Jhésu-Crist. Jamais jour que j'aye à vivre, ne vous lairray, mais iray avec vous et serviray vostre première dame et espouse , tant que Dieu par sa grâce me donra au corps la vie. » — « Belle ce dist Gilion, parole ne pourriez dire quimieulx me venist à plaisir. » Toutenlermoyant se baisèrent l'un l'autre. Quant Hertan les entendi , il leur dist tout en hault que avec eulz et en leur compaignie yroit, et que nul fors Dieu ne l'en sauroitdestourber. Ainsi comme ensemble le père et les enfans faisoyent si grant joye en la chambre de Gracyenne, le Souldan y survint auquel fu raconté et dit la manière comment le père et les enfans s'estoient recongneuz , puis après

206 GILION DE TRASIGNYES.

mot après au Ire par Gilion et ses enfans lui f u raconté et dit toutes les adventuresqu'ilzavoyent eues, depuis le temps que premier s'estoyent partir du pays de Haynnau dont ilz estoyent. Quant le Souldan les eut entenduz et oiz , assez ne se peut esmerveiller. Moult grant joye et honneur fist aux deux enfifans. Pour l'amour d'eulx et de leur père voult cellui jour tenir court plénière. La feste dura VI jours. Quant ce vint au septième^ les roy et admiraulx qui l'estoyent venuz servir , prindrent congié du Souldan et s'en ala chacung en sa contrée. Gilion et ses deux filz furent environ demi an ensemble, demourans avec le Souldan depuis que là furent venuz. Si advint ung jour que le Souldan est appuyé aux fenestres de son palais. Si vint Gilion vers lui et lui dist moult humblement : — a Sire , vérité est que aujourduy n'est prince si grant ou monde, croyant en vostreloy,que si hardy soit ne ozé de vous faire ne esmouvoir guerre. Toute vostre empire et voz royaumes, mesmementceulx de voz amis , sont en bonne paix et seure. Nul home n'est vivant qui courrocier vous voulsist , et pour ce , sire, que certainement je scay que pour l'eure estes en paix, vous vouldroye requérir et prier sur tous les plaisirs que oncques vous puiz avoir faiz , que jusques en mon pays de Haynnau , dont je suis , mes deux enfans avec moy nous laissiez aler. Car pour certain , je cuidoye que ma femme qui est leur mère feust trespassée de ceste mortele vie. Au mieulx que j'ay peu , vous ay moult loyaument servy. Avec moy vouldray

GILION DE TRASIGNYES. 207

mener Gracyenne ma femme et pareillement Hertan , en vous promectant sur ma foy et sur la loy de Jhésu- Crist, où je suis croyant, que se aucune guerre et affaires vous surviennent et vous le me faictes savoir , jamais jour après ce n'arresteray en mon pays, que vers vous ne viengne pour vous servir , ainsi comme j'ay eu de coustume et que autreffoys ay fait, » Quant le Souldan enlendi Gilion il fu moult dolant et triste longue espace demoura en pensée. Puis respondi à Gilion que surceste requesteavoitadvisets'enconseilleroit à ses barons et assez tost lui en feroit response. « Sire, dit Gilion, ainsi soit qu'il vous plaira. » Alors le Souldan se tira à part en une chambre où il avoit mandé ses barons et conseillers , ausqu'elz il depposa et leur dist la requeste que par Gilion lui avoit esté faicte. Dont tous furent esmerveilliez ; grant parlement firent ensemble, mais enfin furent d'accord^ et tous d'une conclusion , ainsi comme Dieu le voult consentir , que le Souldan en povoit laisser aler Gilion, en prenant sa foy et promesse de retourner par delà en Babilonne , ou cas que le Souldan eust guerre , en lui faisant savoir. Après lequel conseil tenu, le Souldan et eulx tous revindrent au palais , où ilz trouvèrent Gilion et ses enfans qui en grant doubte attendoient la response. Quant le Souldan fu là venu , il appella Gilion et lui dist que à son conseil avoit parlé. Lesquelz lui et eulx estoient d'accord que en son palais lui sa femme ses deux filx et Hertan avec eulx s'en alassent, pour veu que il feroit

208 GILION DE TRASIGNYES.

serment sur sa loy que , se le Souldan avoit aucuQ affaire et il lui feist savoir, que toutes choses laissées, il retourneroit en Babilonne pour le servir. Laquelle chose Gilion promist au Souldan de ainsi le faire et entretenir, et l'en remercya. Si se apprestèrent et parnirent de ce que mestier leur fu. Moult grans et riches dons à merveilles le Souldan fist à Gilion, à sa femme et à ses deux filz. Tant leur donna or et richesses que merveille seroit de le dire. Quant ilz furent apprestez du tout et garniz de guides et de gens pour les conduire , ilz firent trousser et baguer leur trésor et richesses sur chevaulx et mules , chameoulx et dromadaires. Quant ilz furent tous prest pour partir, ilz prindrent congié du Souldan lequel se ralendry moult fort , priant à Gilion que sa fille Gracyenne eust pour recommandée. Laquelle il baisa au deppartir moult tendrement plourant, puis embrassa Gilion et ses deux filz et les recommanda en la garde du Mahom. Puis prindrent congié des barons , desquelz ilz furent convoyez quatre lieues loing de la ville. Moult grand dueil demèrent en Babilonne, quant de Gilion veyrent le depparlement et de Gracyenne sa femme. Quant aux champs se trouvèrent , ils se misdrent à chemin et passèrent les désers et vindrent à Gazère. Puis vindrent en Bethléem , où ilz alèrent fere leurs offrandes. Après vindrent en la sainte cité de Jhérusalem , ou ilz baisèrent le saint sépulcre de nostre seigneur et y firent de moult belles offrandes. Puis le landemain sen partirent

GILION DE TRASIGNYES. 209

et vindrent à Napelouze , après passèrent par Jemin et vindrent en Nazaret, au lieu où l'angle Gabriel apporta la nonciation à la vierge Marie , où ilz firent leurs dévouions et ofifrandres. Le landemain vindrent gésir en la cité d'Acre. Quant là venuz furent, les gens du Souldan qui avec eulx estoient, firent prandre et arrester une nef de Jeunes , sur laquelle Gilion sa femme ses deux filz et Hertan montèrent. Après ce qu'ilz eurent bagué leurs bagues , ilz prindrent congié des gens du Souldan qui jusques là les avoyent conduiz et menez. Le patron delà nef fu moult joyeux de Gilion pour ce que par le Souldan lui et sa compaignie lui estoyent si fort recommendez. Moult grant désir avoit de complaire au Souldan. Et pour ce s'enforcoit de faire plaisir et service à Gilion et à ceulx de sa compaignie. Le temps estoit bel et cler. Quant ce vint bien matin , au point du jour , le patron fist lever les anci'es et faire voile, et où le vent se bouta qui fu doulx et les mena en jour et demi au port de Limoson en Chippre , où à ce jour estoit le roy auquel tost fu la nouvelle noncée que sur la nef de Jennes estoient arrivez les deux frères, qui autreffoiz en sa guerre l'avoient si loiaument servi. Quant le roy en fu advertis , il y envoya son connestable et grant foison de chevaliers , et leur commanda que les deux frères lui amenassent et tous ceulx qui avec eulx estoyent. Quant au port furent venuz, ilz trouvèrent Gilion sa femme et ses deux enfansdescenduz

à terre. Si vindrent vers les deux enfans et les embras-

210 GILION DE TRASIGNYES.

sèrent et conjoyirent moult en leur demandant qui estoit le chevalier que avec eulx veoyent. Hz leur respondirent que c'estoit leur père, que si longtemps avoyent quis. Alors vindrent à Giiion ; si le bienvingnèrent et aussi firent ilz Gracyenne sa femme. Tous ensemble vindrent vers le roy qui les receut en grant liesse , en demandant aux enfans de leur adventure et comment ilz avoient fait depuis que de lui s'estoyent deppartiz. Jehan lui prinst à raconter toutes leurs fortunes et aventures qu'ilz avoyent eu , depuis que de Chippre s'estoyent deppartiz. Puis lui raconta comment leur père avoient trouvé en Babilonne , qui là esloit avec eulx. Quant le roy vey et qu'il sçeust que c'estoit Giiion leur père , il l'embrassa et lui fist moult grant chière et à lui et à sa femme Gracyenne , en le remerciant des grans services que par ses deux filz lui avoyent esté faiz. « Sire, ce dist Giiion, moult me plaist et agrée , s'ilz vous ont fait service , qui à vous soit aggréable. » Alors de toutes pars furent festoyez de chevaliers et de barons. Moult grant hommage fu portée à Gracyenne de par le roy et la royne de Chippre et moult grans dons et présens furent donnez à Giiion et à ses enfans. Quant là eurent séjourné VI jours, ils prindrent congié du roy et s'en partirent. Par le connestable et seigneurs de la court furent convoyez jusques en leur navire , moult bien les pourveurent de vins , de chars, de pain fres et de bescuit. Le connestable prist congié de Giiion , de ses deux fiIzetdeHertan . et

GILlOiN DE TRASIGiNYES. 211

s'en partirent. Après ce que Gilion fu monté en sa nef, sa femme, ses deux filz et Hertan , quant ce vint à la mienuil, le patron fist faire voile , où le vent se bouta. Lequel fu bon vent et doulx. Tant nagèrent par mer , que sans nulle fortune avoir, arrivèrent en pou de jours au port de Naples. Quant là furent arrivez , ilz descendèrent à terre , si achatèrent chevaulx et muiez , pour eulx tous et pour porter leurs bagues. Puis prindrent congié de leur patron et le payèrent très bien , dont il les remercia. Après ce que deux jours en à Naples se furent réfreschiz , ilz se misdrent à chemin vers Rome. Quant là furent arrivez , ilz vindrent descendre en une hostellerie, où de l'oste et liostesse furent moult bien receuz. Puis le lendemain matin , vindrent vers le père .saint , auquel Gilion , Gracyenne et Hertan se confessèrent et leur baillia absolucion de leurs péchiez. Puis dedans l'église saint Pierre , où on list apprester une grant cuve remplie d'eaue, en laquelle le père saint baptisa la belle Gracyenne et Hertan , sans ce que son nom lui feust mué ne changié. Mais Hertan eut nom Henry et dist l'escristure où le livre que de ce fait mencion , que une heure après ce que Hertan fu baptisié, il morut. Dont Gilion Gracyenne et les deux filz Jehan et Gérard furent moult dolans, Silefirentenlerrer en l'église Saint Pierre, et lui firent faire son service moult notablement. Après la mort duquel Hertan et son service fait , Gilion ayant prins congié du père saint s'en parti de Rome, et vindrent à chevaucher par ïos-

2 1 2 GILION DE TR ASIGN YES.

cane et Lombardie tant qu'ilz vindrent es mons de Monjou , qu'ilz passèrent et vindrent en Savoye après en Bourgoigne. Puis vindrent en Namur , delà entrèrent en Brabant. Quant là furent arrivez , Gilion prinst ung gentilhomme de sa compaignie, lequel il avoit trouvé en chemin au venir qu'il avoit fait de Rome. Si l'envoya vers Trasignyes, pour noncier sa venue à madame Marie sa femme. Le gentilhomme désirant faire service à Gilion, hastivement s'en parti, et flst tant qu'il arriva ou chastel de Trasignyes. Quant là fu arrivé , comme homme saige et attrempé , salua la dame et lui dist qu'il avoit ouï dire que ses deux filz avoient trouvé Gilion leur père , et que en brief temps devoyent retourner pardecà ; pas ne lui voult dire que par Gilion feust là envoyé , pour ce que autreffoiz femmes sont mortes de joye. Quant la dame entendi le messaige , elle lui fist moult grantchière et moult diligemment lui encquist se point sçavoit se pardecà mer esloient. L'escuier respondi que non ; mais bien disoit qu'il avoit veu homme qui à eulx avoit parlé. Ainsi plus de trois heures , laissa la dame en ce point pensant à la venue de son mary et de ses deux filz, puis après lui dist : « Madame soyez certaine et seure que demain après disner aurez Gilion vostre mary et vos deux enfans en ce chastel de Trasignyes.):) «Amonami, distla dame, est ilainsi comme vous dites ? » «Madame, dist l'escuier, la vérité vousay contée. » Alors de la grant joye que la dame eut elle en embrassa l'escuier, et lui fist moult grant chière. Puis fist tendre

GILION DE TR4SIGNYES. 213

et parer son hostel et envoya quérir les chevaliers et escuiers ses voisins et leurs femmes et leurs filles pour raccompagner à la venue de son mary. Tous y vindrent, quant par elle furent mandez , ayans grant liesse au cuer des nouvelles. Quant ce vint le lendemain après disner , Gilion et sa compagnie arrivèrent ou chastel de Trasignyes. Quant là furent arrivez, ilz misdirent pied à terre. La noble dame moult noblement accompaigné vint au devant de son seigneur. Lequel elle prinst entre ses bras et le baisa assez de foiz. Puis la noble dame vint baisier ses deux enfans , puis baisa et festoya la belle Gracyenne. Le soupper fut prest si s'assèyrent à table. Gilion s'asseyst au milieu de ses deux femmes et fu tout le soupper servi par ses deux filz. Puis quant ce vint après soupper, et qu'ilz furent levez de table moult courtoisement, Gilion parla à dame Marie sa femme et lui dist : a Ma trèschière amye, moi estant pardelà mer, fu rapporté et dit par ung chevalier qui se nommoit Amaury que vous estiez trespassée et morte d'enffanl. Dont pour le grant doleur que j'en eu à souffrir , feys veu et serment de non jamais retorner pardecà, puisque estiez trespassée. Si me remariay pardela à ceste noble dame que véez y présent , laquelle m'a sauvé la vie. Piecà feusse mort , selle ne feust. A Romme l'ay fait baptisier. A toujoursmais par elle serez loyaument servie , ne jamais nul jour, tant que ou corps auray la vie, n'auray atouchementà elle, sedevantellen'aliezde vieàtrespas. » «Sire,

2U GILION DE TRAS[GNYES.

ce dist la dame de Trasignyes , puisque ainsi est que vous dites que ceste dame avez espousée , et que par elle avez eu sauve la vie, jà Dieu ne plaise que jamais avec vous j'aye atouchement ne corapaignie. Ains me vouidray rendre au plaisir de nostre seigneur en une abbay de nonnains, et tout le temps de ma vie prieray Dieu pour vous.» « Dame, ce dist Gracyenne;jà Dieu ne plaise que jà jour de ma vie, vous face tort de vostre loyal seigneur. » Si furent les dames tout d'un consentement et d'un accord, que toutes deux le lendemain se rendirent et misdrent à servire Dieu en Tabbaye de l'Olive, où elles demourèrent tout le temps de leur vie sans en ysser. Et d'autre part, Gilion de Tràsignyes, par le consentement du conte de Haynnau et des barons , depparti et donna à ses deux enffans toutes ses terres et seigneuries. Puis , se parti de Tràsignyes et s'en ala à l'abbaye de Cambron, servir nostre seigneur ouquel lieu, par plusieurs fois, le conte de Haynnau et les barons ses parens et amis le vindrent revisiter, eux esmerveillans des aventures qu'il avait eues en son temps. En cellui an mesmes morurent les deux dames femmes de Gilion de Tràsignyes et dist l'istoire que après leur mort , Gilion fist lever trois tumbes en la chapelle de Herlemont, dont l'une esleu pour lui et voult gessir ou milieu de ses deux femmes. Moult bien renta la chappelle, afin que à tous joursmais , on y priast pour lui et pour ses deux dames ses femmes et espouses, Ung an après ou environ le trespas d'elles.

GILION DE TRASIGNYES. 215

vint un messagier de par le souldan qui envoya quérir Gilion pour ce que après ce que plusieurs roys sarrasins sçeurent pour vérité que Gilion estoit depparti, ilz esmeurent grant guerre au souldan , pourquoy hastivement, comme vous ayez, le souldan l'envoya quérir. Pourquoy Gilion jura et fist serment que il le iroit secourir et que plus beau service ne pourroit faire à Dieu, que destruire et mettre mort ceulx qui en luy ne sont croyans. Si s'appresta et vint à Trasignyes prinst or et argent pour ses despens faire, et s'en parti lui vi^. Ses enfans le convoyèrent, puis tout en plourant prindrent congié de lui. Gilion s'exploicta tant par ses journées, tant par terre que par mer, qu'il vint et arriva en Babilonne où du souldan fut receu à grant joie.

Il maintint la guerre du souldan en tele manière qu'il subjuga et misten l'obéissance du souldan tous ses ennemis. Mais en une bataille fut navré d'une moult grant playe, pourquoy il le convint aliter. Et pour celui veant que à sa fin venoit et que impossible lui estoit de reschapper , requist au souldan moult instaument , que après son trépas son cuer feust osté de son corps et porté à Trasignyes et en la tumbe que pour lui estoit faicte, séant ou milieu de ses deux femmes. Le souldan tout en plourant lui promist de ainsi le faire. Laquelle chose il feist et fu son cuer apporté et mis en la tumbe que pour lui avoit faict faire. Et cy fine la vraye histoire du preu Gilion de Trasignyes; duquel qui plus au vray en vouldra savoir , si voise en l'abbaye de l'Olive , où

216 GILION DE TRASIGNYES.

son ciier gist entre les tumbes de ses deux femmes aus- (juelz Dieu face mercy.

Amen.