PREMIERE PARTIE

lyés deux foys le jour, ou à tout‘le moins une; puys doivent estre reliés, car, s’ilz sont longuement deslyés, ilz seront paresseulx et sans audace. On les doit manier et flater, et froter de pain : car cella leur fait la peau humide et pleine, et les rend mansuetz et obeyssans à la chasse, en les

rappellant et courage donnant.

Pour faire mourir les puces des chiens.

pour faire mourir les puces des chiens,

boulz en eau stafisagre , de laquelle lave bien les lieulx du chien où sont les puces; ou, en lieu de stafisagre, metz racine, fueilles et fruit de cucumere

agreste.

En quel age, en quel temps et comment on doit mener le chien chasser, et en quel il fleure peu.

N ne doit point mener le chien chas- OO qu'il n’ait l’aage de dix moys passez : car, si on l’y meyne plus tôt, sera en dangier de se rompre ou de corrosion en ses membres et sera paresseux. Au commencement de l’esté on le doit mener chasser aprés disner; en esté devers le matin jusques à neuf ou à dix heures :

car la chaleur de la terre luy nuyst és piés, et la soef au corps; en yver on le peult faire chasser tout le jour. On le doitmener chasser quant le temps est cler et sans ventz: car le vent et la pluye le garde de fleurer ; etlaneige, quant elle est petite, et la gelée luy ardent le nez. Grande neige ne luy nuyt point. Au commencement de l’esté le chien a peu de fleur, non pas par aucune faulte de son cerveau, mais par la grande et diverse odeur des fleurs; en