I. Occupations

CONSOLACION III. a3l

plus quérir nostre profïit espirituel que quérir le beau parler. Et pource nous devons aussi voulentiers lyre et estudier livres qui sont de simples matières et de devocion, ou parquoy on peult profEter et corriger ses meurs et congnoistre ses péchez, que ceulx qui parlent de haultes choses et divines. Ne laisse pas à lyre ou estudier les livres qui sont faitz de ceulx qui n'estoyent pas grans clercz ou reputez de grande renommée ou auctorité, mais qu'il ' n'y ayt point d'erreur, et que pure vérité y soit contenue, et que tu y puisses proffiter en aulcune vertu ; et ne demande pas qui a dit ces parolles ou qui a fait ce livre, mais considère si ce qui y est escript est bon et proffitable pour toy. Les hommes passent et meurent, mais la vérité demeure tousjours pardurablement. Dieu nous révèle sa voulenté et ses commandemens en diverses manières et par diverses personnes sans avoir acception. Mais nostre orgueil et curiosité souvent nous empesche à profiBter en la saincte Escripture pource que nous voulons aulcunesfoiz trop discuter, et trop subtillement interpréter ce qui simplement doibt estre entendu. Et pource, se tu y veulx proffiter, estudie simplement et humblement selon la Foy Catholicque , et ne désire pas avoir grant nom ou estre réputé grant clerc et de grant renommée ou auctorité et science. Demande voulentiers ce que tu ne sçauras, et escoute paisiblement les parolles des saintz sans vouloir discuter ou estriver

1 Pourvu qu'il.

232 L'Internellb

contre eulx ; et n'ayes pas desplaisir ou mesprisement es parabolles des anciens, car elles ne sont pas dictes sans cause.

Des maulvaises et desordonnées affections. VP Chapitre.

uant une personne désire ou convoite V\| une chose desordonnement, il est hors de paix de cueur et troublé ; et pource ung orgueilleux et ung avaricieux n'ont jamais paix. Ung humble de cueur et povre d'esperit est tousjours en grant paix et transquilité. La personne qui n'est pas encores bien mortifiée est tantost temptée, et tantost surmontée et vaincue, mesmement en petites choses et viles; car pource qu'elle est encore enferme, et comme charnelle, et comme enclinée par amour et affection aux choses visibles et mondaines, à grant peine et difficulté se peult-elle ou son désir et affection retraire des choses terriennes. Et pource elle a souvent tristesse et desplaisir en soy quant il fault qu'elle s'en oste et retraye, ou de legier se courrouce à aultruy se on luy veult résister.

Et s'il advient que son désir soit acomply et qu'elle ait ce qu'elle demandoit, elle en fait après conscience , et est courroucée de ce qu'elle a ainsi ensuyt son désir et sa passion en chose qui ne lui proffite point à la paix de son cueur, laquelle il cuidoit par ce avoir. On treuve et acquiert-on la vraye

CONSOLACIOX lll. 233

paix du cueur par résister à ses vices et passions desordonnées, non pas par les ensuyr et les servir ou acomplir. Et pource n'a point de vraye paix ung homme charnel et mondain , et qui se habandonne aux choses terriennes, mais seullement celluy qui est espirituel.

De fouyr vaine espérance et elacion.

VIP Chapitre.

^ elluy est vain qui mect son espérance en aultre homme ou en aultre créature. N'ayes point de honte de servir à autruy pour l'amour de Dieu, ne d'estre povre en ce monde. Ne te esliève point sur toymesmes, c'est à dire ne présume pas en toy des choses qui passent et excèdent ta faculté et ton estât , mais mect ton espérance en Jesuchrist. Fays ce que en toy est, c'est à dire ton pouvoir en bien, et Dieu qui verra ta bonne voulenté te aidera au surplus. Ne te confie pas en ta science ou en la prudence de quelconque homme vivant , mais plus en la grâce de Dieu qui aide aux humbles et humilie ceulx qui présument de soymesmes.

Ne te glorifie pas en richesses se tu en as , ou en tes parens pource qu'ilz sont grans et puissans, mais en Dieu qui donne toutes choses, et sur toutes choses se veult donner. Ne te orgueillis pas pour la beaulté ou force de ton corps, car une petite maladie l'aura tantost abatu et enlaidy. Ne

a34 L'IntERNELLE

te glorifie pas en toy de ton habilité ou de ton engin , que ' tu ne desplaises à Dieu qui le t'a donné, et tout ce que tu as de bien naturellement en toy.

Ne te repute pas meilleur que les aultres, car par adventure es-tu pire devant Dieu, qui scet bien ce qui est de bien en toy mieulx que toymesmes ne faiz. Ne t'en orgueillis pas de tes bonnes euvres, car aultres sont les jugemens de Dieu, auquel par adventure desplait ce que les hommes loent en toy. Se tu as en toy aulcune chose de bien, pense que les aultres valent encores mieulx, afBn que tu gardes tousjours humilité en toy. Il ne te peult nuyre se tu te reputes le plus meschant de tous les aultres, mais tresgrandement te nuystse tu te préposes ou reputes meilleur d'ung tout seul. Paix est tousjours au cueur de l'umble, mais au cueur de l'orgueilleux est tousjours ennuy, et indignacion et noise.

De n'avoir point trop grande familiarité à quelqxie personne.

VIE* Chapitre.

e revelle pas ton cueur à toutes per- '4 sonnes, mais ayes conseil à celluy qui

[ ^ ayme Dieu. Soyes pou souvent avec jeunes gens et estranges. Ne flate pas les riches et ne te monstre pas, ou bien peu sou-