EXTRAIT DU CHEVALIER AU LION

Ms. du Roi , n° 73. Cangé.

( FoL 81. Recto. CoL 1, v. 16. )

Espoir si fu tierce passée Et pot estre près de midi, Quant l'arbre et la fontaine vi.

Bien sai de l'arbre, c'est la fins.

Que ce estoit li plus biax pins Qui onques sor terre créust, Ne cuit c'onques si fort pléust Que d'eve i passast une gote, Ainçois coloit par desor tote.

A l'arbre yi le bacin pandre, Del' plus fin or qui fust à vandre Encor onques en nule foire; De la fontaine, poez croire, Li perrons ert d'une esmeraude

2â6 APPENDICES.

Perciée aussi com une boz, ;

Et s\i .iiij. rubis desoz

Plus flanboianz et plus vermanz

Que n'est au matin li solauz,

Quant il apert en Oriant,

Jà que je sache à esciant.

Ne vos en mantirai de mot,

La merveille à véoir me plot.

De la tanpeste et de Torage

Dont je ne me ting mie à sage.

Que volantiers m'an repantisse.

Tôt maintenant se je poisse.

Quant je oi le perron crosé

De l'eve au bacin arosé

Mes trop en i verssai, ce dot.

Que lors vi le ciel si dérot

Que de plus de .xiiij. parz

Me féroit es ialz li esparz ;

Et les nues tôt mesle mesle

Gitoient pluie, noif et gresle.

Tant fu li tans pesmes et forz

Que cent foiz cuidai estre morz

Des foudres qu'entor moi chéoient,

Et des arbres qui péceoient.

Sachiez que mult fu esmaiez,

Tant que li tans fu rapaiez.

Mes Dex tost me raségura

Que li tans gaires ne dura

Et tuit li vant se reposèrent,

Dèsque Deu plot vanter n'osèrent.

Et quant je vi l'air cler et pur

De joie fui toz asséur

Que joie, s'onques la conui.

Fet tôt oblier grant enui.

APPENDICES. gâ7

Jusque li tans fu trespassez Vi sor le pin toz amassez Oisiax, s'est qui croire le vuelle, Qu'il n'i paroit branche, ne fuelle Que tôt ne fust covert d'oisiax; S'an estoit li arbres plus biax.

Doucement li oisel chantoient Si que mult bien s'antracordoient, Et divers chanz chantoit chascuns Conques ce que chantoit li uns A l'autre chanter ne oï; De lor joie me resjoï; S'escoutai tant qu'il orent fet Lor servise trestot atret, Que mes n'oï si belle joie, Ne jà ne cuit que nus hom l'oie Se il ne va oïr celi Qui tant me plot et abeli.

Que je m'an dui por fos tenir Tant i fui que j'oï venir Chevaliers, ce me fu avis, Bien cuidai que il fussent dis, Tel noise et tel bruit demenoit Uns seus chevaliers qui venoit.

Quant je le vi tôt seul venant,

Mon cheval restraing maintenant,

N'a monter demore ne fis.

Et cil, come mautalentis,

Vint plus tost c'uns alerions

Fiers par sanblant come lions.

De si haut com il pot crier

Me comanca à desfier

Et dist : vassax, mult m'avez fet,

Sanz desfianoe, honte et let

DcsfKM- 1110 déiissiez-vos

Se il cu?t reison an vos.

Ou au moins droiture requerrc.

Kinz que vos me méussicz guerre.

Mes se je puis, sire vasax,

Sor vos retornera cist max;

Del' domage qui est paranz

Environ moi est li garanz

De mon l>ois qui est abatuz ; Plaindre se doit qui est batuz

Et je me plaing, si ai reison,

Que vos m'avez de ma meison Fors chacié à foudre et à pluie ;

Fet m'avez chose qui me nuie.

Et dahez ait cui ce est bel

Qu'an mon bois et an mon chaslel

M'avez feite lele envaïe

Ou mcstier ne m'éust aïe

Ne grant tor, ne de haut mur,

Onques n'i ot home asséur

An forteresse qui i fust,

De dure pierre, ne de fust,

Mes sachiés bien que desoimès

N'auroiz de moi trives ne pès.

A cest mot nos entrcvenimes.

Les escuz anbraciez tenimes,

Si se couvri chascuns del' suen.

Li chevaliers ot cheval buen

Et lance roide et fu, sanz dote.

Plus granz de moi la teste tote,

Einsi del' tôt à meschief fui,

Que je fui plus petiz de lui

Et ses chevax miaudres del" mien.

Parmi le voir, ce sachiez bien, M'an vois par ma honte courir, Si grant cop com je poi férir Li donai, c'onques ne m'en fains, El conble de Tescu l'atains.

Si mis trestote ma puissance Si qu'an pièces vola ma lance.

Et la soe remest antière Qu'ele n'estoit mie lég^ière Einz pesoit plus, au mien cuidier, Que mile lance à chevalier, Qu'ainz nule si grosse ne vi.

Et li chevaliers me féri Si durement que del' cheval Parmi la crope, contreval, Me mist à la terre tôt plat, Si me lessa honteus et mat, C'onques nus ne me regarda.

Mon cheval prist et moi lessa, Si se mist arrière à la voie.

Et je, qui mon roi ne Savoie, Remès angoisseus et pansis, De lès la fontaine m'asis.

â30 APPENDICES.