EXTRAIT DU LAPIDAIRE EN FRANÇAIS
S'ensuit le liure Teckel des philosophes et des Indois, et dit estre des enfans d'Israël, mention faisant de plusieurs pierres précieuses et de leurs vertus et propriétés.
Se en une pierre est ung homme à tout ung escu à son col, ou en sa main, et tiengne en l'autre main une lance et dessoubz ses pies soit ung serpent, celle pierre donne vertu.
Se en vne pierre est ung homme qui ait longues oreilles, elle vault contre maies bestes et contre ceulx qui sont hors du sens et qui n'ont point d'entendement.
Se en vne pierre a ung lion, elle vault contre ydropisie et plusieurs autres maladies.
Se en une pierre a vng aigle et capricorne, elle vault à toutes besongnes.
Se en une pierre a ung dromadaire qui ait ses cheueulx espars sur les espaules, elle fait concorde entre mary et femme.
Vne pierre où il y a ung homme en ung mont de pierres, assis ou debout, tenant en sa main vne pierre, cest la figure de INostre- Seigneur qui, selon le philosophe , fut veu en une montaigne de pierre de dyamant. Geste pierre vault contre toutes tempestes et contre dyables, et tous ennemys, et rend Tomme déuot et obéyssant à Dieu.
Vn sagittaire en semblence de vassal, donne grâce et amours à celluy qui la porte, et le rend très agréable à Dieu et aux hommes.
âj6 APPENDICES.
Vng: beau chief bien pi^^né qui ait une belle face, donne liesse léuérance et honneur.
Vn lait chief héricé qui ait la face yrée, donne à celluy qui la porte deffenses à ses contraires et seurté en faisant toutes choses, et donne victoire contre ses enneniys.
Vng chief qui ait long cheueulx et entremeslez, en seniblence et face de viellart fort barbu, donne sapience et stabihté en œuures et fait dilection de droitz et de loix. Elle suppédite les ennemys et enchâsse les dyables et résiste au serpent et au venin , et vault contre impétration de songes.
Se tu trouues ung homme qui tiengne en sa destre main vng hure et en la senestre une verge, celle pierre mise en or a vertu de apaiser les discordans et donne victoire en causes et vault contre les mauuaises bestes et fait Tomme estable. Ceulx qui se meslent de nigromancie usent souuent de celle pierre.
Se tu trouues en une pierre vng homme couronné, tenant en sa destre main vue serre et en la senestre vue palme, et dessoubz ses pies estamel, celle pierre mise en or a grand dignité, car ce que on requiert au saulueur du monde souuentes fois, luy est sa requeste ottroiée, quant elle est juste et raysonnable.
Se en une pierre on trouue ung homme qui en sa destre main tiengne vne lampe, et à la senestre une teste de femme, elle vault à accorder homme et femme. Qui aura celle pierre sur luy, il ne se esueillera pas de légier.
Se tu trouues en vne pierre ung torelet un mouton, celle pierre vault à faire beau parler et contre ydropisie.
Vng homme en vne pierre qui ait esles es pies et tiengne vng baston en sa main, elle donne grâce et amour.
Vng homme en vne pierre qui tiengne vne verge en sa main, vault à auoir domination et seigneurie.
Vng homme en une pierre qui ait un cor à son col, il oste raige et fantosme.
Vng homme en une pierre qui soit moitié bœuf, elle conserue les honneurs et enferme les sens à bien.
Vne pierre où il y ait une nef à tout le mast et une voille , vaull à entretenir ses besongnes.
Ce en vne crisolite a une femme qui ait en vne de ses mains vng soleil et de l'autre ung poisson, elle vault à ceulx qui vont en gibier d'oyseaux ou de poissons.
Ce en vne pierre a une torterelle avec ung rain d'oliuîer, celle pierre fait estre aymé de tous.
Ce en une pierre est ung serpent et ung sagittaire qui se combate, celle pierre a pouuoir d'accorder les discordans.
Ce en une pierre est moitié figure de femme et figure de poisson, comme la serayne, et tient en sa main ung mirouer et en l'autre ung rain d'oliuier, celle pierre mise en or, enclose en sa main, a vertu de faire la personne inuisible.
Ce en vert jaspe a figure de croix, elle a vertu que celui qui la porte ne peut noier.
Ce ung basilict a vne seraine, elle donne seurté d'aller contre les serpens.
Ce tu trouves ung homme séant sur ung liepart, et tiengne en sa main une cédule escripte , elle vault contre les bestes et garde de péril et d'eaue.
Ce en vne pierre est ung homme qui tiengne en sa main la figure d'ung dyable qui ait cornes et esles, et en l'autre main ung serpent et dessoubz ses piez ung lion , et sus ses figures soit la figure du soleil et de la lune, celle pierre doit estre mise en plong et a vertu de contraindre les dyables à respondre à tout ce que on leur demande.
Ce en une pierre a ymage d'omme qui porte en son col ung f aisseau d'arbres et soit assise en argent, elle a vertu de sauoir discerner entre les maladies ; elle restraint le sang et donne grâce et honneur, et dit-on que Galien portoit celle pierre en ung anel.
Ce on trouve en une noire pierre vn homme pourtant vng sestre en une main, et en l'autre vng oisel qui ait ses esles tendues, et au-dessus vne figure cothodrille, ceste pierre est bonne contre les enchanteurs et les illusions des dyables et contre tousennemys.
â38 APPENDICES.
Vng homme tenant en sa destre main ung liure et en sa senestre une verge, celle pierre, mise en or ou en argent, fait obtenir les jugemens et les sentences, et aide en toute nécessité et conuertit les ennemys; et c'elle est portée en bataille, elle fait victoire honneste. Les nigromanciens vsent fort de ceste pierre.
Vng homme fort et robuste, lequel ait face terrible et soit comme courroucé et yreulx , restraingnant en soy le front , tenant en sa main destre une lance et en sa main senestre vng chenal, et qu'il y ait dessoubz ses pies ung homme qui soit gissant, adonc doit estre mise en euure. Elle donne victoire en batailles ; et se aucun assiet ung cristail et il le pourte autour d'ung chastel , tantôt ceulx qui seront dedans se combatront et se rendront.
Se en vne pierre est figure de temple ou de moustier, elle garde luxure et rend l'omme agréable à Dieu et aux hommes et femmes.
Item^ la pierre que on appelle Etihe pendue au col de celuy qui a le fort mal, le guérist , et fait tost déliurer la femme qui est en mal d'enfant.
Item , la pierre d'Episte donne séurté de bestes sauuaiges, et se on la mect en eaue bouUant, elle cessera de bouUyr.
Item, Caladoyne froyée et portée en son doy, fait vaincre les justes causes en plaict.
Cy sensujuent les .xij. pierres que Nosire Seigneur nomma
à Moyse le prophète :
