MAISTRES JUREZ HUCHERS MENUISIERS DE PARIS

ET LETTRES PATENTES PORTANT CONFIRMATION d'iCEUX (i58o* *

Henry par la grâce de Dieu, Roy de France et de Polongne, à tous présens et advenir salut. Scavoir faisons nous avoir receu l'humble supplication des maistres jurez huchers, menuisiers de nostre bonne ville de Paris contenant que noz prédécesseurs d'heureuse et très louable mémoire pour la police, conduite et entretenement dudici mestier, et pour obvier aux fraudes et abuz qui s'y pourroient commettre, leur ont des longtemps concédé et octroyé plusieurs beaux statutz et ordonnances pollitiques à plain déclarées ez lettres, qui leur en ont cydevant fait expédier registrées en la chambre de nostre procureur au Chastelet de Paris. Lesquelz par la négligence et mauvais soing de leurs prédécesseurs jurez dudict mestier, sont depuis quelque temps demourez sans exécution et ledict mestier sans règlement et police au grand préjudice et détriment de tout le public. Pour a quoy remédier et pourveoir aux entrcprinses qui se font ordinairement sur ledict mestier et aucuns autres mestiers de ladicte ville et fauxbourgs, et aussi pour assoupir les procès et différends qui pour raison de ce se pourroient mouvoir entr'eux et lesdictz mestiers, ilz ont puis nagueres d'un commun accord en présence de nostre procureur audict chastelet, fait veoir et arrester en langage intelligible leurs dictes ordonnances tant anciennes que modernes, et icelles fait corriger et augmenter ainsi qu'il est besoing pour le bien et commodité de la ' chose publique, police et entretenement dudict mestier selon la forme et teneur qui ensuit :

1° Premièrement, pour ce que d'ancienneté il n'appartient que ausdictz maistres huchers menuisiers de faire et parfaire antierement tous et chascuns les ouvrages de quelque mode et façon que ce soit, dépendans et appartenans dudict

I. Bibliothèque nationale^ fs. fr. 21,679, tome V. Bâtiments, Delamare, p. 35.

mestier de menuisier, quant ung ouvrier expert et congnoisseur audict mestier et tel approuvé préalablement par les quatre maistres jurez d'icelluy voudra tenir boutique en la ville et fauxbourgs de Paris, il y sera receu en faisant ung chefd'œuvre de sa main suffisant tant en assemblage que taillé soit de mode antique, moderne ou mode françoise, garny d'assemblage, liaisons et moulures, et ce en la maison de Pung des jurez dudict mestier et selon l'ordonnance d'iceulx jurez, en payant les devoirs d'entrée au Roy, a la confrairie, et jurez d'icelluy mestier ainsi qu'ilz sont cy-apres déclarez.

2® C'est assavoir que ung fils de maistre dudict mestier sera tenu faire chef d'œuvre selon l'ordonnance desdictz jurez et payer trois écus au Receveur dudict mestier pour employer aux affaires communes d'icelluy et ung écu a la confrairie de Madame Sainte Anne.

3° Item,ceulx qui ont esté et seront doresnavant apprentiz, audict mestier en la ville de Paris, leur temps d'apprentissage finy, seront tenuz faire chef d'œuvre suffisant comme dessus est speciffié en l'hostel de l'ung desdictz jurez, et payer pour le droit du Roy un écu sol, pour chacun desdictz jurez demy écu sol, six écuz au Receveur dudict mestier pour employer aux affaires communes d'icelluy et ung écu à la confrairie Madame Sainte Anne.

40 Item, nul ne pourra demander chef d'œuvre ausdictz jurez qu'il n'ait fait apprentissage en ladicte ville en la maison d'ung maître dudict mestier de menuisier par l'espace de six ans dont il fera apparoistre du brevet avec certifficat de son maître, et s'il n'est apprenty delà ville, sera tenu servir les maistres par quatre ans avant que demander chef d'œuvre et avoir certifficat du maistre ou il aura servy.

5° Item, toutes personnes pretendans a la maistrise dudict mestier par Lettres de don du Roy, quelques Lettres qu'ilz puissent obtenir pour quelque cause et occasion que ce soit, ilz seront tenuz faire chef-d'œuvre ou expérience à l'ordonnance des jurez, et payer les droits envers le Roy et jurez comme ceulx qui auront fait chef-d'œuvre, ainsi qu'il est contenu par le quatre vingt dix huitième article des Ordonnances des Etats tenuz es assemblées en la ville d'Orléans par le feu Roy Charles Neufviesme du nom que Dieu absolve.

6° Item, que nul ne fera pour les églises, cloisons, chaises haultes ou basses pour asseoir les gens d'église et autres pupittre, v/if, rempartz * pour monter en iceulx pupittres, ceinture de cueur d'église et table d*autely haultes chaires pour faire la prédication, jwte^, /«5fi[d*orgt/^5, closture et banc d* œuvre des marguilliers, s'il n'est maistre dudict mestier et que lesdictz ouvrages soient bien et deuement faits tant en ornemens, architecture, assemblage, tourneure, taille a la mode françoise, antique ou moderne, les liaisons des assemblages bien et dcuement observez, garniz de tenons, pitons et mortaizes aux saillies des mouleures, et faict en sorte que ladicte taille ne corrompe point les assemblages et gardes, fourchemens et embrassemens ou il appartiendra, le tout de bon bois vif, loyal et marchant à peine de dix écus d'amende et destrc l'ouvraige ars et bruslé devant la maison de l'ouvrier.