SCENE II

CELIMENE, ALCESTE, BASQVE.

Q V'est-ce ? CELIMENE.

BASQVE.

Acaste est là-bas.

Hé bien, faites monter.

ALCESTE

Quoy ! l'on ne peut iamais, vous parler, teste, à teste? A reccuoir le Monde, on vous voit toûjours preste ? Et vous ne pouuez pas, vn seul moment de tous, Vous résoudre à souffrir de n'estre pas chez vous?

CELIMENE.

Voulez-vous, qu'auec luy, ie me fasse vne affaire?

ALCESTE

Vous auez des Regards qui ne sçauroient me plaire.

CELIMENE.

C'est vn Homme à iamais, ne me le pardonner, S'il sçauoit que sa veuë eust pû m'importuner.

ALCESTE

Et que vous fait cela, pour vous gesner de sorte...

CELIMENE.

Mon Dieu! de ses Pareils, la Bienueillance importe, Et ce sont de ces Gens, qui, ie ne sçay comment, Ont gagné, dans la Cour, de parler hautement. Dans tous les Entretiens, on les voit s'introduire; Ils ne sçauroient seruir, mais ils peuuent vous nuire ; Etiamais, quelqu'apuy qu'on puisse auoir d'ailleurs, On ne doit se broüiller auec ces grands Brailleurs.

ALCESTE

Enfin, quoy qu'il en soit, et surquoy qu'on se fonde, Vous trouuez des Raisons pour souffrir tout le Monde; Et les précautions de vostre jugement...