L'ENQUISITEUR DE LA FOY

Fille, le Dieu de Paradis A le povoir et audience De convaincre ses anemis Sans frapper ung seul coup de lance.

Ne sans hommes n'aultre puissance, Quant y luy plaisa ainsi faire, Sans vous ne sans vostre présence.

Les faire fouyr et retraire.

LA PUCELLE

Dieu le peut faire voyrement; Mès ne luy plaist ainsi le faire.

Veult que je y soie proprement Pour ceste besoigne parfaire.

Et que j'aye soubz ma baniere

Ung peu de gens pour batailler, A qui Dieu donra la victoire, Ainsi que à son bon chevalier.