DU MURMURE DE ESAU CONTRE JACOB XIX

1SAAC

Pour vray, Esaû, entendoye 12675 Avoir sus toy ceste journée,

Ainsi comme prédit avoye,

Ma bénédiction donnée,

Mais vêla, la chose est tournée ;

Ung autre a l'honneur pourchassé.

Esaû 12680 O fortune mal fortunée,

M'avez vous en ce point lessé?

Suis je de mon droit dechassé ?

Esse la belle venaison

Et le gibier que j'ay chassé 12685 Au bois, hors de ceste maison?

Non obstant, père, esse raison

Que je soye toute saison

De bénédiction privé?

Ne me avez vous rien réservé; 12690 Suis je du tout bany de grâce?

Isaac

Mon filz, que veulx tu que je face?

J'ay ton frère constitué

Ton seigneur, et institué

Que tous ses frères serviront 12695 A luy, et subjuguez seront

Tant que en ce monde seront vifs.

A Jacob serez asserviz,

Et de tous vous sera seigneur ;

Je luy ay donné par honneur 12700 Habondante terre et fertille

En fourment, en vin et en huille.

Après, que veulx tu demander?

12674 B : j'entendoys; — G : f entendoye. — 12676 B ij'avoys. — 12678 B : la chance. — 12687 B* : Que je soys en.