XVIII DEMANDER FEMME POUR SON F1LZ ISAAC

ÏSMAEL

Sa, père, que vouliez vous dire?

Ceste femme est en sépulture.

Abraham C'est le droit d'humaine nature ; En ce point nous convient riner. 10730

De bref me fauldra cheminer Ce chemin, pas doubte ne faiz, Car pour mourir tous sommes faiz.

Mort est deue a toute personne; Vivre et mourir chacun sa fois, 10735

C'est ce que nature nous donne.

Toutesfois fault il que j'ordonne, Se je puis avant que mourir Et a Dieu plaist me secourir, De vous, Isaac, mon chier enfant, 10740

Que le benoist Dieu triumphant Vous tienne tousjours en sa grâce.

Isaac Ce qu'il vous plaira que je face Je le feray de bon courage.

Abraham Mon enfant, loy de mariage 10745

De Dieu nous a esté donnée Et premièrement ordonnée Pour augmenter l'humain lignage ; Or est vray que vous estes d'aage Et, ce me semble, assez sçavant 10750

Pour femme avoir d'or en avant ; Si vueil que vous en ayez une.

Isaac Père, choisissez m'en aucune, Telle que bon vous semblera.

10780 C : me convient. — 10761 B : doresnavant.