XVIII DEMANDER FEMME POUR SON FILZ JSAAC

Qu'il seroit bon d'aller ensemble,

Vostre filz et moy, a ce cas. 10780

Abraham Mon enfant, il ne le fault pas ; Autrement faire je le vueil ; Il suffira bien de toy seul Pour faire ainsi comme j'ay dit.

Eliezer Voire ; mais, se Pen m'escondit, 10785

Du remède?

Abraham Il n'y en a point.

Eliezer Et pourtant jurer sus ce point A moy ce me semble simplesse, Car prendre femme par rudesse En terre estrange ne pourroye; 10790

De ce faire reprins seroye, Et aussi seroit ce grant vice.

Abraham Boute ta main dessus ma cuisse Et jure vérité tenir.

Se la femme ne veult venir, 10795

72 a En rien tenu tu ne seras Du jurement que tu feras; Mais, quelque chose que tu faces, Garde bien que tu ne pourchasses A mon enfant mener au lieu. 10800

Eliezer Bien, sire.

Abraham Tu jures a Dieu Que me servyras loyaulment ?

10780 C : en ce cas. — 10785 C : se l'on me desdit. — 10796 tu m. dans A C.