DU RAVISSEMENT DE ENOCH

Quant il dit telz motz : « Crescite, Et cetera »; je n'en dy plus.

Jareth

5370 Tout fait, tout dit et tout conclus, Nostre vouloir acomplirons Et nostre bon plaisir ferons Des filz, et mesmement des filles, Car noz pères, vieux et débiles,

5375 Ont ceste maxime trouvée.

Caynam Nostre loy nouvelle esprouvée Sera sur masles et fumelles,

Mathusael Les filles de Cayn sont belles Et ne demandent autre chose

538o Fors que avec elles on repose Par desordonnée volupté.

Justice

Regardez la difformité

Des hommes, puissant plasmateur,

Qui contre vous, hault créateur, 5385 Commettent vices exécrables.

Vous les devez, comme coupables

D'incrudelité, condampner

A mort cruelle et les dampner

A jamais, sans remission.

Miséricorde

5390 Justice, ayez compassion

De Thomme et sa fragilité ;

Ne requérez que humanité

Soit du tout perdue et perie.

5372 Bon m. dans A C. — 5377 A : fammclles ; — C : femelles.