I LE TREBUCHEMENT DE LUCIFER I

Leviatan Servans doibvent estre loyaulx A leur maistre en toute saison.- 470

Lucifer Harau, harau! quel desraison!

Qu'ay Je fait, Dyables, qu'ay je fait?

Harau! qu^est ce cy? quel prison?

Qui m'a mis en lieu tant infaict?

Agrappart Faulx Dyable, c'est par ton forfait 475

Que sommez ainsy tresbuchez.

Cerberus Ton orgueilleux villain mesfait 5 b Nous a causé tous noz péchez,

Lucifer Harau ! par trop sommes attachez Sans aucune intercession. 480

ASTAROTH

Au puis d'Enfer sommes fichez A Jamais, sans remission.

Lucifer N'y vault rien intercession, Suppliccacion ne prière.

Sathan Jamais n'aurons la vision 485

De l'ineffalible lumière.

Mamona En ce gouffre plein de fumiére Sommes mis pour peine et tempeste.

Asmodeus Plus ne verrons gloire tant clére.

Que le Dyable y ait malle feste ! 490

Leviatan Pour rien nous rompons bien la teste,

475 A : Dyiable, — 47g B : Nous sommes par trop atache^.