II LA TRANSGRESSION D ADAM ET EVE

Puis nous irons entre nous deux,

Car nous aurons telles vertus

Que nous serons comme deux dieux.

Adam Pour esprouver se j'aurai mieulx, J'en mengeray, quoy qu'il advienne. 1 165

Le fruict est plaisant et joyeux, Il ne peult que bien ne m'en vienne.

Icjr prent Adam la pomme que Eve liiy baille et mort dedans, puis se prent par la gorge, disant :

O vray Dieu, de moy te souvienne !

Povre maleureux, que ay je fait?

Il convient que la mort me preingne, 1 170

Car j'ay commis villain mefîect.

Je sens et voy que j'ay forfait

D'avoir mengé de ce fruict cy.

Dont je suis bien homme deffaict

A jamais sans avoir mercy. 1 175

Or ay je a Dieu desobey

Et passé son commandement.

Homme mauldit, homme hay,

Tu es deceu traistreusement !

Bien voy que douloureusement 1 180

Me conviendra finer mon aage,

Car je seray honteusement

Chassé de ce divin parage.

Helas, quel oultrage!

Je ne suis pas sage, 1 185

Mais bien fortuné.

Homme plain de rage.

Ton villain courage

Est bien mal mené !