DE JOSEPH ET SES FRERES, XXV

Faictes mourir de mort villaine

Mes filz, se je ne le ramaine ;

Je me submettray a ce point. 20180 En effect, mon filz n'yra point

Se par force ne m'est osté;

C'est toute ma félicité

Et le support de mes beaulx ans.

Las! vous me mectés sans enfans :

20185 Joseph est mort, c'est fait congneu,

Et Symeon est retenu ; i3ib

Puis après m'oster Benjamyn,

C'est bien pour me bouter affin ;

Jamais au cueur bien je n'auray.

JUDA

20190 Or, mon père, je vous diray.

Quant nostre blé sera failly,

Point n'y retourneray sans luy ;

Ainsi, s'il fault que retournon,

C'est force que nous le menon.

20195 Ne vous en donnez point de deul,

J'en prendray la charge tout seul.

S'il a mal, me soit reproché;

J'en prendray sus moy le péché;

On ne luy pense nul mal faire.

Jacob 20200 Puis doncques qu'il est nécessaire

Que a la viende retournez,

Prenez l'enfant et l'amenez.

Portés scoraces et résine

Et huisle de basme tresdigne, 202o5 Que au seigneur vous présenterez;

Pareillement reporterez

20188 B : mectre a la fin. — 20190 G : O mon père. — 20198 C : sur. — 20202 C G : l'emmené^. — 202o3 G: oraces.