DES SECONDES TABLES XXIX

JOSUÉ

25785 Joyeuseté me vient saisir

Quant voy que Dieu a pardonné

A son peuple et luy a donné

La grâce de salut acquerre.

Jetro

Qui de bon cueur le sçait requerre, 25790 Homme ne s'en va escondit.

Or estoit le peuple interdit

De grâce, mais par la prière

De Moyse, qui est singulière,

Dieu a repaisé sa grant ire.

JosuÉ 25795 Le peuple estoit bien fol d'eslire

Ung autre dieu.

Jetro

Il est ainsi.

MoYSE

J'ay faict mes tables, Dieu mercy ; Il ne fault que dedans escrire Les commendemens du hault sire, 25800 Selon qu'il les ordonnera.

L'Ange Ca, Movse !

Quant il vous plaira, Les commendemens donnerez Et, ainsi que l'ordonnerez, Je les feray entièrement.

25787 A: luy donné. — 23788 La m. dans A B. - 25793 Bien est suppléé. — 258oi Ça est suppléé.