DES REGRETZ DE JACOB XXIV

RUBEN

18145 Père, santé et bonne vie

Vous vueille le hault Dieu donner Et vous plaise nous pardonner Se tant demouré nous avon!

Jacob Ou est Joseph ?

Symeon

Nous ne scavon.

Jacob i8i5o Vous ne sçavez?

Levy

Certes non, sire.

Jacob Que vous ne sçavez ! Qu'esse a dire?

Est il point a vous arrivé ?

Symeon Nenny, mais nous avon trouvé Entre Sichem et Dothaym 1 8 1 5 5 Geste robe sus le chemin Dedens une sauvaige voye.

Jacob Or aprochez, que je la voye.

JUDA

Elle est si tresplaine de sang Que on n'y cognoist ne bis ne blanc.

18160 Si fault il que je la visite.

O vray Dieu, c'est la polimite De qui Joseph estoit vestu!

Tu es mort, cecy le recite.

Fera pessima, tresmauldicte,

1 8 1 6 5 A mon il 1 z Joseph a b a t u .

18147 A : pardonne. — 18148 B G G : demeure. — 181 5g B G : Que on n'y voyt. — 18 160 A : SU fault.