L-EVESQUE DE LA LOY

i83o Mario, or nous dictes comment Voulés vous estre desdaigneuse?

Vous estes la plux gracieuse Des autres, et contredises A nous dis ! Et comment osés ?

i835 Les autres pas ainsin ne font, Mes acordees tantost ce sont Et a bon droit.

VIRGO MARIA

Sire, faire ne ce pourroie,

Car mes parents, avant que née

1840 Fusse, cy m'ont a Dieu donnée Et après service ordonnée

Du tout en tout ; Et cy vous en diray le bout, Car en bonne foy j'ay voué*

1845 A Dieu de tout mon cueur et gré Ma virginité a garder A tousjours mais, sans varier; Pour ce, sire, ne ce peult fere.

L'EVESQUE

Je ne sçay que puisse retraire;

i85o Vecy besoingne merveilleuse.

D'antente, vous pry, curieuse, Vous tous quil cy estes presens, Que me diez par vous seremens Comme de ce pourray chevir,

l855 Se com vouhé on doit tenir Et par especial a Dieu.

Vous veez qu'elle a fait le veu De virginité maintenir.

A ce ne doit on pas faillir,

l86o Ne sçay que dire.

DAMP GODIBER prestre Non sai ge ce, par ma loy, sire, Vous y savés trop plus que moy.

DAMP RRUN

F.sbaïs estes, mes de quoy?

Je ne m'an saroie adviser, **

Conseil vous vouldroie demander i8(>5

De tel chose, se j'an avoie

A faire; aussy cuideroie

Que bien vous m'an disiez le vray.

.MALFERAS

Par le grant Dieu en quil je croy,

Je m'an raporte a vostre dit. 1870

L'EVESQUE

Je conseille que sans respit Tous nous mectons en orisons Et a Dieu conseil demandons De cest affaire.

DAMP GODIBER

Vous ne pourries pas mieulx re- 1875

[traire;

Mectons nous a genoulx ansanble

Etnous verrons, cy com me samble,

De Dieu aucungne demonstrance.