SATHAN

Gardés bien, n'an ayez doubtance,

Car ce n'est ungs lions quil nous

[doubte,

Et moût grandement nous redoubte.

8480 Et tu, Enfer, saiches de voir

Qu'il le te covyent recepvoir,

Soies tout prest et t'appareille.

INFERNUS

Sathan, tu dix grande mervoille.

S'il est voir ce que t'ois compter,

8490 H nous viendra trestous honter, Et par ly serons tormentez.

Helas ! corn suis espouventez !

Quant je le nomme, je tressaulx, Bien sçay que par ly seront saulx

8495 Tous ceulx que j'avoie dempnez.** Helas ! com mal fut comdemnez !

Sathan puant, ce as tu fait, Or garde bien sa ne soit trait, Mainne le en autre contrée,

85oo Car seans n'ara point d'entrée.

Mort, fai que la porte soit close, Et ne l'ouvre pour nulle chose Quil viendra. Je voy les anseignes.