JACQUES LE GRANT
Grant peur avons d’estre enchanté Et deceupt par art de magicque.
Se tu es ung corps fantasticque, Ce seroit par nous grant erreur.
Se tu es Jhesus no seigneur, 23560 Ta puissance nous determine Visiblement par aultre signe Par quoy nous soyons confermé Es vertus de ta déité.
JHESUS
Mes amis, soyez sans doubtance, Ayez en moy ferme creance, Je suis de mort resuscitez, Affin que soyez confermez.
Se vous avez riens que mangier, Je vous pry, veulliez m’en bailler, 23570 Par devant vous tous mengeray Par quoy approuver vous volray Ma puissant resurrection.
S. PIERRE
Nous avons la part d’un poisson Que pour nous aviesmes rosti Et ung rains de miel que vecy, S’il te plaist bien, en pues mengier, Se nous pourrons en toy fier Et en ton resuscitement.
JHESUS
Je mangeray patentement 23580 Pour vostre confirmation.
Adonc mellent la table, et Jhesus mange en leur presence et dist :
Mes amis, vostre opinion Soit mue en ferme credence, Bien avez veu qu’en vo presence Ay mangié pour vous faire entendre Et que de vray puissiez comprendre Et sçavoir qu’ung corps fantastique Composé par art de magicque Ne pourroit ne mangier ne boire, Tout de vray le pouez bien croire, 23590 Et n'est puissance de anemi Qui tant ait de malice en lui
QUATRIEME JOURNEE 271
Que de faire ung tel corps mangier.
Creez en moy sans varier,
Tenez, prenez le residu
Dont mangier vous m'avez véu,
Les parolles sont acomplies
Que pieça vous ay anonchies
Quant je conversoie avec vous,
Prenez y bien garde trestous, 23600 Vostre sens veul a plain ouvrir
Pour mieulx appercevoir et vir
Les misteres et les figures
Contenues es escriptures,
Je veul que soyez pres et loings
Devant toutes gens mes tesmoings,
Et que leur donnez exemplaire
Des choses que m'avez veu faire,
En Jherusalem commençans
Et en tous lieux apres preschans 23610 Ma foy et mes commandemens.
S. PIERRE
Beau tres doulz Jhesus, tout mon sens
Est ouvers et enluminés J'entens de degré en degrez Tous les parolles qui sont escrips Des prophetes du temps jadis, Bien nous devons tous resjoir, Quant a noz yeulx pouons veir Et regarder visiblement Le glorieux suscitement 23620 De celui qui forma le monde, JHESUSe Affin que soiez net et monde De toute ordure de pechiet Et en l’amour de moy fichiet, Vostre cuer en Dieu eslevez Et le sainct esperit recevez Maintenant, et le je vous donne Qui tous pechiés vous pardonne, Ceulx qu’a vous se confesseront Et qu'a mercy vers vous venront, 23630 Je leur octroye vray pardon De lassus et remission, Et ceulx que vous condampnerez Pour leurs meffais et grans excez Jamais n’aront de Dieu mon pere Pardon ça jus n’en ciel n’en terre Et demorront a dampnement Qui jamais n’ara finement.
Pourtant ceulx seront bien eurés Qui par vous serpnt racordés 23640 A Dieu mon pere de lassus, Et les aultres seront confus Qui n’aront pas volu aler
Vers vous pour leurs meffais laver.
J'ordonne par vraye sentence
Que vous ayez la providence
Be mon eglise triumphant
Contre les dyables militant
Et que vous soyez vrays pasteurs De mon font et ministrateurs
23650 Pour bien regenter mes brebis
Et deffendre des anemis, Je m'en vois, demourez en paix.
Adonc Jhesus s'esvanuit d'eulz.
S. JIEHAN L'EUVANGELISTE.
O puissant Dieu, pere parfais, Manant ou ciel en trinité, Trois personnes en unité, Nous te devons tous bien loer Et croire de vray sans doubter, Quant par apparence divine Te plaist nous demonstrer tel signe
23660 Que de toy avons congnoissance.
S. ANDRIEU
J'ay en mon cuer telle plaisance Qu’a nul dire ne le pourroie, Tellement suis rempli de joie Qu'il me semble, et se m'est advis, Que se j’estoie en paradis Je n’en pourroie plus avoir,
S. JACQUE LE GRANT, Maintenant devons bien sçavoir La puissance nostre Seigneur Jhesus qui nous fait tel honneur
23670 Que de comparoir proprement
Devant nous et publicquement Mangier en approbation, Qu’apres sa dure passion
Est suscité de mort a vie.
Faisons grant joie, je vous prie, Mes freres et mes compaignons Qui de Dieu estes champions Et ne soiez plus en erreurs.
