PIERRE en l'eau

O Jhesu, que tu nous as chier!

O Jhesu, je voy clerement Que pas tu ne veulz oublier Ceulx qui t’aiment parfaictement, Quant t'as fait manifestement

29900 De ta grace en nous en peschant

Et qu'avons pris tant larguement

Poissons a ton digne command.

Apportes moy, mes bons amis,

Des poissons que vous avez pris, D’en mangier ay grant volenté.

S. JEHAN

Ve cy le feu tout apresté

Et des poissons sus pour rostir,

Prenez en a vostre plaisir,

Mon chier seigneur, c’est bien raison.

JHESUS a S. Pierre,

2330 Respons a moy, Pierre Simon,

M'aimés tu cordialement ?

S. PIERRE

Sire tu sces certainement Que je t’aime parfaictement Sans quelque variation.

JHESUS

Respons a moy, Pierre Simon, M’aimes tu cordialement ?

S. PIERRE

Sire, tu sces certainement Que je t'aime parfaictement Sans quelque variation.

JHESUS

23920 Respons a moy, Pierre Simon,

T'amour est elle mise en moy ?

M’aimes tu bien en bonne foy ?