PIERRE

Freres et amis, venez ça, Veulliez la place preparer Pour nous tous refectionner, Des biens arons a grant planté Dont no doulz maistre soit loé.

Cy est comment Jhesus s'apparu a ses disciples qui estoient à table et leur commanda

d’aler au mont d'Olivet.

JHESUS

Paix soita vous, mes bons amis, Je me suis cy entre vous mis

23970 En forme d'apparition,

Pour donner approbation

Depuis que j’ay resuscité,

De vo grande incredulité

Et de la durté de vo cuer,

Car vous n’estes pas bien asseur.

Je sçay bien votre intention

Tant qu’a ma resurrection, Supposé qu'a vous tous ensemble Me suis demonstré, ce me semble,

08080 Puis quarante jours pluseurs fois,

Et pour la cause que je vois L'eure de raler a mon pere Qui m’envoya ça jus en terre, Je me vieng a vous demonstrer Pour vous en la foy confermer, Ales vous ent tout la bon erre En tous pays, en toute terre,

Preschier a toute creatura L’euvangile, en ce prenez cure

23990 Alez, baptisiez toutes gens,

À ce fait soiez diligens,

Ou nom de mon pere bemt, Du fil et du sainct esperit,

Car quiconques en moy crera, Et aussi baptisié sera,

Il sera saulvé dignement,

Et cilz sera a dampnement Qui ne crera ou nom de moy.

Confermez les gens en ma foy,

24000 Car tous ceulx qui en moy creront

Ces signes cy les ensievront,

Les dyables ilz dechasseront,

De tous langaiges parleront, Serpens osteront en sus d’eulx, Et se vous dy bien que tous ceulx Qu’en moy creront parfaictement, S’il advenait qu'aucunement

Ts eussent bu aucun buvrage

Qui leur portast mortel dommage,

24010 Cela nul mal ne leur fera,

Ne ja au cuer ne leur nuira, Sus les malades metteront Leurs mains, et santé ilz aront.

Entendez bien que je vous dy, Partez vous instamment de cy, Alez vous ent, car il me plaist ; Tout droit sur le mont d'Olivet, Assez tost avec vous seray, Et encore avec vous parleray.