PIERRE

Magdalaine, venez vous ent Avecques nous presentement,

24070 Nostre doulz maistre avons veu,

Nagaire a nous s'est apparu Qui nous a dit que nous alons Tous ensemble, ad ce ne fuillons, Sur le mont d’Olivet tout droit, Car assez tost venir y doit Pour nous monstrer aucun mistere Dont je ne sçay pas la matere, Venez vous ent avecques nous Car nous y devons estre tous,

LA MAGDALAINE

24080 Certes, Pierre, moult volentiers

Tenray tels chemins et sentiers Que vous tenrez, mon chier amy, Aultre rien ne veul quant a my.

Adont s'assembient Nostre Dame, la Magda

laine et tous les apostles sur le mont

d'Olivet.

Vous qui ma venue attendez, Je vous prie, a moy entendez.

Quarante jours a, bien le sçay, Que de mort je resuscitay, Et en ce terme ay je tant fait Que je vous ay monstré de fait

24090 La totale approbation

De ma grant resurrection,

Et me suis a vous apparu Pluseurs fois, bien y a paru,

Si m'oez ung petit parler,

Mon secret vous veul reveler,

Je vous commande expressement Que vous ne partez nullement De Jherusalem la cité

Ou vous avez long temps esté

24100 Jusques a tant que vous arez

La promesse que avoir devez

Comme pieça je vous ay dit,

C’est le glorieulx sainct esperit Qui de grace vous remplira

Et en foy vous confermera.

Jehan mon precurseur baptisoit En eaue du temps qu’il vivoit, Mais du saint esperit vous serez Baptisiés, gaires n’attendrez,

24110 Dedans bref jour venra a vous,

Et vous enluminera tous.