PIERRE

Se le feray d'entente lie. Je croy on pere tout puissant Createur du ciel et de la terre, Duquel j’ay esté congnoissant Maint bel et glorieux mistere S. ANDRIEU, Je croy en Jhesu Christ son filz, Nostre seul maistre et bon seigneur,

24450 A qui pieça je me rendis

Et rens pour leal serviteur.

Se JACQUES LE GRANT.

Je croy que Jhesu Christ mon maistre Fu conceups du sainct esperit, Et que de la Vierge veult naistre Comme des prophetes fu dit.

8. JEHAN L'EVANGELISTE, Je croy qu'il souffry passion Dessoubz Pilate et grant injure, Crucefiez fu sans raison Ou il souffry mort griefve et dure

24460 Pour toute humaine creature,

Et pour racheter ses amis, Veult estre le roy de nature En ung sepulcre ensevelis.

S. THOMAS

Je croy qu’en enfer descendy Dont ses bons amis il osta, Et pareillement je vous dy Que au tiers jour resuscita.

8. JACQUES LE PETIT, Es cieulx monta, ainsi le croy, Et siet au dextre Dieu le pere,

24470 Tout puissant emperere et roy

De ce qui est en ciel et terre.

8. PHILIPPE, Et je croy qu'il venra jugier En une heure qui sera ditte Vis et mors, a chascun baillier Salaire selon son merite, S. BERTHELEMIEU.

Ou sainct esperit croy fermement Lequel nous a esté transmis Ça jus du haultain firmament Qui nous a en ferme foy mis.