LE PLUS MALADE

Sire, de grant doleur suis plain Et se ne puis homme trouver Qu'en l’eaue me veulle porter.

Quant l'angle du ciel venir voy Ung aultre vient plus fort de moy Qui premiers entre devant my Et ainsi ne suis point gary, 7990 Passé a la xxxviT ans.

JHESUS au plus malade.

Lieve toy, ne soye dolans, Emporte ton lit et t'en va.

Adonc est le malade gari et dit a soy meismes. L'HOMME GARY.

Cest homme cy bien gari m'a, Moult grandement il me doit plaire, Son commandement vorray faire, Mon lit metteray a mon col.

Adonc emporte son lit et encontre uulcuns Juys de Jherusalem.

LE ICT JUYS.

Vieng ça, vieng, dis, hé, es tu fol?

Scés tu bien qu’il est huy sabbat ?

Veuls tu mettre en no loy debat?

8000 Ton lit ne te loist pas porter En sabbat, tu le dois fester ; Dont te vient estre si osé ?