L'HOMME GARY
Sire, qui m'as rendu santé, Humblement je te remercy.
Adonc vient aux Juys et leur dit.
Juys, or entendez a my, Celui qui m’a volu sarer A nom Jhesus, qui vient sauver Le monde qui par ses pechiés Estoit envers Dieu empechiés.
Crez moy, c’est chose veritable.
LE IlIle JUYS DE JHERUSALEM.
Tu mens, nous sers tu cy de fable ?
8020 Avez oy du kaiement ?
LE PREMIER JUYS, Seigneur, vecy ung fait tres grant Et qui du tout nous est contraire.
Cest homme cy porroit deffaire No loy, dont venroit grant debat, Il ne garde point le sabbat,
C’est le principal de no fait, No sabbat en sera deffait, Ou il y fault brief resister.
Alons nous ent a lui parler
8030 Assavoir monY qu'il volra dire.
LE VIE JUYS.
Ce fait cy m’a mis en grant ire, Je crois qu'il soit dedans le temple.
Jhesus, tu baiïlles mais exemple A no peuple de cremir Dieu Quant il n’a gaires qu’en ce lieu Ung homme affollé as gary, Et esse bien fait, je t’en pry, Quant tu sçais qu’il est huy sabbat, Tu nous mettes en pril de debat
8040 Et en grande sedition ?
JHESUS
Chose n’ay fait que de raison.
Mon pere a jusqu'a cy ouvré Et en son œuvre suis entré, Sachiez, de moy seul n’ay rien fait, Le voloir mon pere ay parfait.
Se cel homme cy est gary Mon pere le veult, et par ly L'ay fait, et tous jours volray faire Son voloir et a lui complaire
8050 Puisque Dieu mon pere le veult,
Je l’ay fait car faire le puet,
De Dieu mon pere suis amé.
LE PREMIER JUYS DE TIRY.
Jhesus, vela trop blasphemé!
Tu vas bien ta glore querant Quant ta personne vas ornant En disant que t'es fils de Dieu Et que tu n'as fait en ce lieu Nulle chose, se par lui non.
C'est trop parlé contre raison, Oncques mais tels dis je n’oys De soy nommer de Dicu vray fils Et de preschier publicquement, Trespassant le commandement De la loy qui nous fu commise Par la main de Dieu et Moyse.
Ce fait cy ne peux ignorer,
Car ung homme as volu saner En sabbat, qui est contre droit Et contre no loy, qui vorroit
8070 T'es digne d’estre lapidé.
JHESUS
Se cest homme cy ay sané, Contre le sabbat ce n’est pas Vivifier, puis tous estas Et ou me plest santé donner, Pas ne me devez arguer, J’ay toute juridiction, Jugier puis tout selon raison, Mon pere m'a ad ce commis, 11 ne juge pas, mais le fils
8080 Puet de tout faire jugement,
Pour ce suis venu vrayement En char humaine pour jugier, C’est a dire pour corrigier
Le monde de ses vils pechies, Et par moy seul serez jugiés, De par mon pere suis venus
Et de vous ne suis receus, S'ung aultre devers vous venoit Tantost de vous reçus seroit,
8090 Et moy qui viens pour vous sauver
Vous ne me faites qu'arguer D'envie qui est imméritore.
LE II6 JUYS DE JHERUSALEM.
Maintenant est chose notore Que tu es plain del anemy, Quant tel arrogance as en ty Que de Dieu te dis le vray fils.
Et qui puet escouter tes dis ?
Quant a moy plus n’en veul oir.
LE III JUYS.
A ce fait cy convient pourvir,
8100 Aultrement no loy perira,
Advertir il en convenra Tous les princes de nostre loÿ, :
Ou aultrement a ce que voy
DEUXIEME JOURNEE
No fait est en tres grant dangier.
LE IIII* JUYS.
Ses fais nous faulra allegier Et comment fils de Dieu se dit, J'ay tout en mon cuer en escript Les articles de tous ses fais.
LE Ve JUYS.
Nous et no loy sommes deffais, 8110 Se contre ses fais n’obvions.
S’est bon que nous nous retrayons A nostre evesque Cayphas ù Et lui conterons tous les cas De ceste œuvre cy.
LE VIE JUYS.
C’est bien dit.
Nul de nous n’y met contredit, Alons bien tost sans plus parler.
Cy apres est la transfiguralion, et est Jhesus au piet du mont avec ses aposiles el dit a
ses disciples.
JHESUS
Amis, veulliez cy demourer.
Pierre, amis, entendez a moy, Jacques et Jehan que je voy,
8120 Je vous ay eslut, mes amis, Ascoutez ung peu a mes dis, Avecques moy vous en venrez Ung peu et nullui n’amenrez, Au mont de Thabor nous irons Pour prier et faire oroisons, Mes disciples demourront cy.
Venez vous ent avecques my, D'y aler est ma volenté.
S. PIERRE
Tousjours sommes nous aprestré 8130 A faire ce qu'il vous plaira.
S. JEHAN EWANGELISTE.
‘Mon voloir est tel et sera, Vostre grace nous est tresor.
sHESUS sur le monls di.
Vecy la montaigne Tabor, En ce lieu cy fait bel orer Chacun se veulle disposer De graces a mon pere rendre.
Jhesus mis a genour ore a son pere el dit.
Pere, veulles ta grace estendre Sur moy, car le temps voy venir Que paines aray a souffrir,
8140 Tousjours ton voloir volray faire Et toutes tes œuvres parfaire, Aultre volenté je n’aray,
Et en icelle je morray.
Bien sçay quant a la déité
De toy ne seray separé,
Mais en tant que suis descendus Au monde et homme devenus, De moy te veulle souvenir
Et en mes paines subvenir,
8150 Preng en gré ma peticion
Qu'’ay faite en forme d’orison.
Adonc se apparent Moyse le prophete et Helye el avec eulx grant clarté.
MOYSE tenant ses lables.
Vray Dieu, pere de majesté, Moult de paines et de griefté En Jherusalem souffriras.
HELYE, Douleur moult grande porteras En ta benoite passion.
Juis n’aront compassion De toy, il te feront morir.
JHESUS, Les escriptures faut remplir
8160 Que vous et aultrui avez fait.
