S. JACQUES
Mon corps tres bien le celera, Jamais oultre ma volenté Ne sera le fait revelé Par nul de nous, soies en seur.
S. JEHAN
Vous nous avez fait grant honneur, Quant vous a plut transfigurer Devant nous, pour quoy bien celer
Le vous devons, puisqu'il vous plaist.
JHESUS
Or ça, mes amis, soyons prest,
8210 Retraions nous devers Sydon
Et Tyri, j'ay m’opinion D'aler ung peu a eulx parler, Et de la volray m'en aler En Jherusalem la cité.
S. MATHEU.
Nous ferons vostre volenté, Alez, tous vous vorrons sievir.
LE PREMIER JUYS DE JHERUSALEM 4uT princes
de la loy.
Seigneurs, Dieu vous doint vo plaisir Tout ainsi que le desirez.
LE PREMIER PRINCE, Bien viengniez vous, or vous couvrez,
8220 Et dittes ce qui vous achasse,
LE PREMIER JUYS.
Volentiers, sire, par vo grace.
Messeigneurs, nous venons vers vous,
Honneur vous devons a vous tous Service et toute obeissance,
Car sur no loy avez puissance,
Et en estes princes commis,
Pour les meffais estre punis
Que contre elle commis seroient De ceulx qui blasmer la vorroient.
8230 Or est ainsi que nous vorriesmes
Exerciter, se nous poiesmes
A no loy estre conservée
Et la vostre honneur gardée,
Et pour monstrer qu'il soit ainsy, Par devers vous venons icy,
Du temple tout droit nous venons Ou ung fait trouvé nous avons Qui nous a mis en grant debat, Car il est contre no sabbat,
8240 Et l’a fait ung qu’on dit Jhesus
Qui en la cité est venus :
En passant devant la piscine La a fait de miracle ung signe, Car ung qui la estoit gisans
Il y avoit xxXXVIII ans
À donné sancté et gary,
Et puis dont je suis esbahy Le lit ou il estoit couchies
Lui a fait porter tout sur pies,
8250 Et est venus a tout au temple
Qui est ung tres mauvais exemple, Car le sabbat est violé Et n’est pas saintement gardé, Car il ne jui loist point saner Homme en sabbat, se trangresser Ne veuit no loy.
Qu’en dit Annas, Et nostre evesque Cayphas ?
LE PREMIER JUYS.
Il n’en scevent riens vrayement, Car il est fait nouvellement.
8260 Tantost l’en convient advertir
Et sur pres il convient pourvir, Car qui au fait ne pourverroit La chose maisement yrroit, Pour tant y fault remedier, Allez leur dire sans targier.
LE II8 JUYS.
Point ne nous y fault estre tous, Mais tres volentiers de par vous
DEUXIEME JOURNÉE
Nous y alons entre nous deux.
JHESUS preche en Sydon aux juys.
Vous devez estre moult joyeux 8270 Entre vous, juys, que je voy,
Car venus suis pour vostre loy
Accroistre et pour remonstrer
Le chemin que devez aler
Pour acquerir vo sauvement,
Et affin que plus seurement
Puissiez aler sans fourvoier,
Vous voroy droit cy enseigner
Quel chose vous est necessaire.
Pour sauvement vous convient faire 8280 De moy vostre refection,
Or entendez par quel raison :
Cils qui mon corps ne mengera
Et mon sang boire ne voura
N’ara point de vie eternele,
La chose est toute vraie et telle,
Pour l’acquerir vous prenderez
Ma char et mon sang buverez,
Mon pere vous a apresté
Ce mengier pour estre sauvé, 8290 Meilleur ne mengastes pieça,
Se Moyse le pain donna
A vos peres dont il vesquirent,
Neantmoins vous sçavez qu'il morurent
La manne pas ne les soustint
Car la mort vint qui tous les prinst,
Ma char est viande de vie
Qui pour vous est appareillie,
Et mon sang aussi est bruvaige
Dont boire porrez en vostre aige, 8300 Ce bruvage cy est avenu
Du ciel lassus et descendu.
Vos peres eurent soif jadis
Mais oncques ne furent remplis
De buvrage si precieux
Quant mon pere fist tant pour eulx
Qu’a la priere de Moyse
Qui pour eulx fist ceste entreprise,
Fist de la pierre eaue yssir
Quant deux fois le volut ferir 8310 Dont ils burent abondamment
Et leur bestial pareillement.
Mais ce buvrage ne fu pas
Dont alors prinrent leur repas,
Car la mort apres ils gousterent
Remede nul ils n’y trouverent,
Mais ceulx qui ma char mangeront
Et qui mon sang boire volront
Mort jamais ne porront gouster,
LE PREMIER JUYS DE SYDON:
O qui puet tel chose escouter !
8320 Ycy a trop dur parlement,
N'est pas a oir bonnement,
Et qui porroit tels fais comprendre !
Comment et qui porroit entendre
Que sa char nous fausist mengier
Il y a cy bien a jugier.
Ses fais je ne puis plus oyr,
Il me fait de mon sens yssir
Puisqu'il se dist de Dieu vray fils.
LE II JUYS DE SYDON.
Et il a compris par ces dis
8330 Que jamais mort ne gousterons
Se sa char mengier nous volons.
Ce n’est pas chose veritable.
JHESUS
Ne creez pas que ce soit fable
Les parolles que dit vous ay
Font esprit et vie pour vray.
Ceulx aussi qui indignement
Me prenront, a leur dampnement,
Soyez tous seurs, me prenderont
Et ja ma gloire ne verront,
8340 Mais aulcuns ne le peuent croire
Neantmoins la chose est toute voire.
Adonc se parlent les juys el Jhesus dit.
Mes apostles, vous poez vir
Qu’aucuns me veullent relenguir :
Vous en plest il ainsy aler?
S. PIERRE
Ha ! sire, veulles toy cesser
Aultre que toy ne servirons,
Car de toy tres bien nous véons
Que de verité sont tes dis
Et que de Dieu tu es vray fils,
8350 Pour tant ne te volons laissier.
LE PREMIER JUYS DE JHERUSALEM, Ça, ça, il nous fault abregier.
Ve cy l’ostel de Cayphas, Entrons ens et contons no cas, Temps est que soyons retourné.
Sire, bon jour vous soit donné.
CAYPHAS.
Et vous, seigneurs, que quérez-vous ?
Venez vous pour parler a nous ?
Avez vous quelque chose a faire?
LE I® JUYS.
Oy, sire, moult grant affaire
8360 Qui touche moult fort a no loy.
CAYPHAS.
Dittes moy la cause pour quoy ?
LE 1119 JUYS.
Sire, les princes et seigneurs De no loy et conservateurs Veullent que soyez adverty D'un fait que je vous diray cy.
Il est vray qu'un nommé Jhesus Commence a faire grant abus Contre no loy certainement, Il a gari, n’a pas gramment, 8370 Ung homme malade en sabbat, Dont no loy grandement abat, Et quant lui avons remonstré, Conte n’en fait, mais s’est gabé De nous, sachiez certainement.
CAYPHAS.
Tu me fais esbay ! comment Ne dont puet venir tel erreur ?
Tu m'en fais avoir hide et peur.
Dont vient ce? no loy perira Qui remede n’y mettera.
8380 Allez ent bien tost vers Annas, Dittes luy qu'il ne jocque pas, Et puis apres au revenir Me direz le fait par loisir.
Alez en Tyri et Sidon Faire une congregation Et queillier ung tres grant conseil, De ce cy moult je m’esmerveil.
Adonc dit au IIIe juys de Jherusalem.
Toy, retourne prestement, Dis aux princes que criamment 8390 Leur plaise venir devers moy.
La chose prenra ung mais ploy Qui brief n’y mettra remede.
Va tost 1l fault que chascun m'ede À garder nostre liberté, Ce seroit une grant pité Se no loy laissiesmes perir.
LE IIIIS JUYS.
Je m'en vois les princes querir, Puis se m'en iray en Sydon Pour avoir des gens a faison.
8400 Adieu, sire, a vostre congiet.
CAYPHAS.
Alez, aiez tost abregiet.
JHESUS a ses apostles.
Mes amis, il nous fault aler Vers Jherusalem, car monstrer Vorray les œuvres de mon pere S. JUDE.
Ha ! chier sire, c’est chose clere Que les Juys vous heent fort,
MISTERE DE LA PASSION
Certes ils vorroient vo mort,
Gardez comment vous y alez.
JHESUS
Mes amis, avec moy venez,
8410 Je vous prie, n’ayez point peur.
S. ANDRIEN.
Sire, nous sommes tout asseur Jamais ne partirons de toy, N’en voloir, n’en penser, n’en foy.
LE IIII* JUYS & Annas.
Sire, si vous avez espace Je vous diray ce qui m’acache :
Cayphe a grant mestier de vous.
Nous en irons dont entre nous Puis qu'on a de nous affaire.
Esse chose moult necessaire ?
LE III JUYS.
8420 Oy sire, certainement
La chose touche grandement Comme en temps le porrez sçavoir.
GAMALIEL prince de la loy.
Alons y doncques pour veoir Quel chose dire on nous vorra.
Amis, retournez, on ira.
LE III JUYS.
Bien, messecigneurs, je lui diray, Devers les princes m'en iray, S'aray acompli mon message.
ANNAS au.r aullres princes.
Messeigneurs, se faisons que sage,
8430 Abregons nous tost d’en aler.
Cy apres est ung aveugle en Jherusalem le-
quel esloit aveugle desqu'il fu né et crie as passans.
L’AVEUGLE
Helas, et veulliez moy donner Ung nicquet ou quelque denier, Ou nom de Dieu le droitturier, Au povre homme qui ne voit goutte | Jocque ung bien peu, dis, hé! escoute.
LE VARLET DEL AVEUGLE, De nulluy n’estes escondis, Venez avant, venez toudis.
Pour quoy criez vous ? nul ne passe | L'AVEUGLE,.
Oste ta main hors de ma tasse,
8440 Hardeaux, je t’y sens bien aler.
LE VARLET, Et je relace mon soler !
Certes jamais ne vous menray.
DEUXIEME
L'AVEUGLE
Tais toy, je sçay bien que je sçay, T'aras le jour de no sabbat De trippes tout fin plain ung plat, Je te le jure et certifie.
LE III° JUYS DE JHERUSALEM @ ceulx de Sydon.
Seigneurs, Dieu vous sault et benie!
Venir vous fault en la cité.
LE PREMIER JUYS DE SYDON.
Le fait touche il necessité ?
8450 Esse pour Jhesus le prophete ?
LE Hiil° JUYS DE JHERUSALEM.
Oy, qu’on en ait male feste!
En avez vous oy parler ?
LE PREMIER DE SYDON
Il nous est venu arguer Et dire choses non creables Qui ne sont riens que droites fables, A paines nous fist esragier.
LE IIIIS DE JHERUSALEM.
Seigneur, il vous fault abregier, ll est besoing certainement.
LE 119 DE SYDON.
Nous vous sievons tout prestement.
8460 Emmenrons nous ceulx de Thiri Avecques nous ?
Oy, oy.
Abregiez vous, je voy devant.
L’'AVEUGLE @ son varlet qui sonne la clouchette.
Quesse que tu vas clocquetant ?
Sont ce gens ? je les oy passer.
Helas, veulliez moy estriner,
Vaillant homme qui cy passez.
Helas, l’aveugle regardez
Qui ne vy oncques en sa vie.
LE VARLET
L’aumosne y est bien employe,
8470 Bonnes gens, pour Dieu donnez lui, 8. JACQUE a Jhesus.
Maistre, a quoy a desservi
Cest homme qu’aveugle il est né ?
A ce par son pechiet esté
Ou par pechiet de ses parens ?
JHESUS
A ce la responce te rens.
Ne lui ne ses parens aussy
N'ont fait pechiet dont soit ainsy,
Mais est né pour manifester
Les œuvres de Dieu et monstrer 8480 Et pour en faire comme je dis
Es œuvres ou je suis commis,
En tant que le jour est luisans
Ouvreray et seray monstrans
Que du monde suis la lumiere, La nuit vient qu’en nulle maniere Nul homme ouvrer si ne porra.
Cy prent Jhesus ung peu de terre et le desmelle de sa salive et en oingt l'aveugle sur
ses yeulx el puis lui dist.
Lieve sus et laver t’en va Au natatore si loé.
Et puis s'en va Jhesus au temple et l'aveugle
laver en la pechine.
Cy apres sont les princes de la loy assamblés contre Jhesus, el font une conspiration.
LE PREMIER PRINCE
Or ça, nous sommes assemblé, 8490 Que ferons nous de ce Jhesus ?
ANNAS
1] fault sçavoir s’il est tenus Ne coulpables en aulcuns'fais Que contre no loy soient fais, Et se coulpable il est trouvé, Il fault qu’il lui soit remonstré Affin qu'il ce veulle cesser.
C’est vray, qui en sçaroit parler ?
LE PREMIER JUIS DE SYDON
Malcus, sire, car tres bien vit L'homme qui emportoit son lit.
CA YPHAS.
8500 Or no hunques doncques Malcus.
LE PREMIER DE SYDON
Je ne sçay qu'il est devenus Il estoit cy tout prestement.
Va le querir appertement,
L'AVEUGLE quant îl est lavé.
O quesse cy? bien doy loer Cellui qui m'a renluminé, Car maintenant je voy tout cler Et orains estoie aveuglé.
Certes se de moy est trouvé Jamais ne volray departir
8510 De lui, se c’est sa volenté Mais tousjours le volray sievir.
LE PREMIER JUIS nommé Malcus.
Qui est cils que je voy venir ?
Nesse point cils qui mendioit Et qui l’aumonne demandoit ?
Dittes ent ce qu’il vous en semble,
LE PREMIER JUIS DE SYDON
Non est, mais assez le ressemble,
MISTERE DE DA RASSION
Certes n’est. C’est. il, c'est mon?.
LE PRENIER JUIS. DE THIBI.
Dont venroit telle abusion ?
L'AVEUGLE. Ge suis jou, creez certainement, LE PREMIER DE JHERUSALEM..
8520 Es tu chou?
L’AVEUGLE
Oy vraiement.
LE PREMIER DE SIDON, Comment te sont ouvers tes yeulx?
Tu vois si bien que moy ou mieulx.
L'AVEUGLE, Je vous diray la verité.
Cils homs qui est Jhesus nommé, Samblant de boe fist orains, Et puis il toucha. de ses mains Mes yeulx mettans la boe sus, Et me dist: ne jocque cy plus, Va au natatore laver,
8530 Et j'y alai sans arrester,
Je me lavay et puis je vy, Comme vous veez, il est ainsy,
LE PREMIER JUIS DE JHERUSALEM
Etouest il?
L'AVEUGLE
Je ne sçay. riens.
LE PREMIER DE SYDON @l aveugle, SUS, prenez la sus, or t'en viens Parler aux seigneurs de no loy.
CAYPHAS.
Sçarons nous point cause pour quoy Malcus n’est point venus vers nous?
LE V® JUIS DE JHERUSALEM. Tantost le verrez devant vous,
Ve le cy, je le voy venir. :
| ANNAS
8540 Qui vous a volu tant tenir
Que vous n’estes venu pieça?
LE PREMIER JUIS DE JHERUSALEYM, La chose tres malement va.
Ve cy cest aveugle gary.
Et c’est sabbat. | CAYPHAS, O quesse cy?
Qui t'a gary ? dis le nous tous.
L'AVEUGLE, Je le vous, dray. a deux mos.
Ung homme qui est, dit Jhesus Rempli de moult belles vertus, De sa salive boe fist.
8550 Et mist sus. mes yeuls et puis dist :
Au natatore si loé,
Va toy laver. J’y ax esté, Se ay recouvré ma lnmiere.
| CA YPHAS.
Avez vous oy la maniern ?
Cest homme cy de Dieu n’est pas, Quant les sabbas en tous estas Va trespassant sans les garder.
ANNAS
I] y a bien a regarder Comment puet ung homme pecheur
8560 Faire telz signes, beau seigneur,
C'est ung grant fait, par mon serment.
Vient ça, or nous dis plainement,
Que dis tu de cest.homme cy
Qui t’a ouvert les yeulx ainsy?
Quel homme est il par ton semblant ?
L’'AVEUGLE
C’est ung prophete souffissant,
Vous le poez vir par son fait.
OTHIARIUS Prince.
Affin de sçavoir le parfait.
Et la verité de la chose
8570 Sans parler longuement par glose,.
Il convient les pareas mander
Et se leur convient demander
Se cestui est leur fil ou non.
SIMINIE prince,
Je suis de vostre opinion
Qu'il seroit bon de les 0ÿr)
Âlez les prestement querir.
LE V@ JUIS DE JHERUSALEM, J'y voy, sire, a vostre command.
CAYPHAS.
Quant a ce fait cy suis pensant, C’est une chose moult doubteuse.
8580 Et a regarder merveilleuse.
No loy emwpirer en porra.
Qui soutieument n’y pourverra.
Cest aveugle n'est qu’ung bourdeur Et diroit par, tout, beau seigneur, Que celui par qui est garis Est fils Dieu, ce sont graus perils, No loy en porra empirer.
Il nous y fault remedier..
Son pere venra tantost cy.
LE V6 DE JHERUSALEM au pere del aveugh, 8590 Dieu vous gard, Sadoch mon amy,
Et vo femme que je voy la, Prestement venir vous fauldra, Parler aux,seigneurs de no loy,
DEUXIEME YOURNIEE
‘SAnocn pere del 'üveilgle.
Helas, mon àmy, ét pour quoy?
Quelque chose n'avons meffaÿt ?
LA MERÉ.
Alons y, se sçarons le fait Pour quoy a nous veullent parler.
