LE FOURBISSEUR

Je suis tres bien content:

He Dieux ! et dont viennent telz gens ?

Je suppose que leur mestier Ne soit mie de bataillier, Ils feroient gramment de paine, Qui leur balroit pain et avaine Avant qu’il se voulsissent rendre.

S. PIERRE G Jhesus.

Deux espées pour vous deffendre

11260 Avons acheté pour nous deux.

JHESUS

Diligens estes et soigneux, Pierre, Pierre, il me souffst, L’escripture fort se remplist, Assez avez de deux espées, Mais que soient bien gouvernées.

D'aler est temps puis que sui prest Lassus ou jardin d'’olivet, Pour vous tous y veul labourer En priant mon pere et orer.

Adonc s'en va Jhesus ou jardin avec tous ses

disciples, excepté Judas qui s'embla de leur

compaignie, et dist :

41270 Mes amis, ycy vous tenez,

Mon pere ensemble tous orez,

À ma mort veulliez mediter

Et que venus pour racheter Suis ycy tout le humain lignage.

supas en alant aux Juis.

D’en aler ay bel avantage Ou il me plaist puis qu'ilz sont la, No maistre point veu ne m'a, À ce cop aray recouvré Les depars qu’il m'a procurés

11280 Del ongnement la Magdalaine

MISTERE

Dont avoit une boiste plaine, Duquel les pies sy li oindy, Moult grandement je le plaindy Qu'’ainsy estoit pour neant perdu, ie deniers l'eusse vendu, Mais oncques je n’en peulx finer, Pour requerre ne pour prier, Bien en seray recompensé Mais que mon maistre ay livré, Bien devroie estre courchié Se de lui n’estoie vengié.

Adoné vient aux Juis et dist :

Seigneurs, je vieng pour vous sommer

Que prest sui pour vous delivrer Mon maistre comme est raisonnable, En bon lieu est et convenable

Pour l'avoir bien secretement.

Or venez celeement

Avecques moi tous s’il vous plaist Dedans le jardin d’olivet,

41300 Vous le trouverez tout pour voir.

LE PREMIER JUIS DE SIDON

C’est ung grant plaisir que d’avoir

Affaire a gens qui convenance

Tiengnent sans prolongier d’absence.

Tu t'es monstré homme de bien,

Mais encore fait tu n’as rien

Se ne nous veuls au lieu mener

Et Jhesus ton maistre monstrer

Et le nous donner a congnoistre.

JUDAS

Affin de mieulx le recongnoistre

41310 Ung signe je vous bailleray :

Prendez cellui que baiseray, Quant entrés serez ou jardin Ouquel vous menray droit chemin, Or sus tos et vous en venez, Quant le tenrez, fort le liez, Aultre chose n’arez a faire.

Tu dis bien : arrire retraire

Te fault ung peu. Ça que vous semble ?

Veons qu’avons a faire ensemble

41320 Pour ce fait sagement conduire,

Soleil n’estoile ne veez luire,

Si noir fait que on ne voit goutte, Et saichez que fort je redoubte

Ce ribault qui nous a vendu

Son maistre et ainsy deceu,

Je n’ay point en lui confidence

Et si n’y voy point d’aparence

D'y adjouster foy, car trahir

Nous peult com son maistre et hair,