CORONIS I I

Vostre discrétion, vostre bon jugement, Le respect qu'il vous porte et l'humble révérence Aveugleront le monde, et n'aura cognoissance De vostre amour secrette en ce temps nullement.

Pandore 1 1 L

Si vostre serviteur avoit la mesme envie Que vous avez de vivre aymant secrettement, Vostre amour dureroit plus qu'éternellement; Mais cett' amour n'est pas le plaisir de sa vie.

Serez III I.

Vous les devez aymer et chérir pour jamais : Vous y estes nourrie, ils sont vostre naissance; Vous n'avez en nul lieu meilleure cognoissance. Il vous y faut tousjours demeurer désormais.

Pallas V.

Toutes vos actions sont pleines de sagesse : Aussi chacun de vous sagement parlera; Jamais le médisant de vous ne médira, Sinon que vous usez en cela de finesse.