Hélie de Lestrange
du jourdui VIIe de septembre jusques à la Saint-André ' prouchain venant, sauf tant que de par la dicte court seront commises II bonnes personnes, celles que par avant y estoient commises, ou autres, se mestier est. avec celles qui sont ou seront commises de par les dits de chapitre, qui assisteront aux oblations faictes au grant autel; et ce qui sera offert en monnaie ou autre pécune qui ne soit mie d'or sera mise en l'arche accoustumée qui sera fermée à II clefs diverses; et ce qui sera offert en dras de soye, ou joueaux, ou or ou monnoie d'or, ou en autres choses loco auri vel pecunie de auro, en marguerites, ou autres espèces, sera mis en autre arche ou lieu fermé comme dessus; et aussy ce qui sera offert aux reliques hors le grant autel seramiz en une autre arche ou pareillement seront II clefs diverses aux autres; desquelles diverses clefs les commiz de par la court en averont une et les commiz pour le chapitre l'autre; et d'icelles choses dessus dictes n'en sera osté fors tant ce que sera nécessaire au luminaire de la dicte église et à la réparation des vestemens et ornemens du grant autel ; de quoy les diz commiz rendront compte.
« Et tout ce sans le préjudice des parties dessus dictes, et, le dit temps pendent, les parties s'accorderont par le moien d'un des messeigneurs qui sera envoyez de par la court ou autrement si puent, sinon les parties retourneront aux jours de Yermendoiz* prouebain venant que seront oyes en leur dicte cause à plain. »
(En marge) : Dictum partibus hodie.
1412. 5 mars. — Arrêt conseillé en faveur du trésorier et des chapelains de la Sainte-Chapeile contre les chanoines de cette chapelle3.
« Il sera dit que les chanoines en tant qu'ilz sont demandeurs et complaignanz à mauvaise cause se sont doluz et complains de maintenir avoir droit et estre en possession et saisine de eulx povoir assembler à son de cloche pour faire et tenir chapitre avec le trésorier de la chapelle quant il est présent, et en son absence eulx mesmes sans lui, pour traictier des besongnes de l'église, .faire statuz, ordenances et recevoir nouveaulx chanoines, et de maintenir avoir juridiction, punicion et correction sur les chapel-
