n'es. 9. dolente

Mon mary s'emburelicoque Et dit, par sa foy, que je troque A ung flagol son virely.

Est-il pas fol ? Certes, oûy, 5 Combien que je croy qu'il se moque.

Puisque j'ay du tonneau la broque On n'a garde d'y mectre loque, Se ce n'est mon parfait amy :

Mon mary [s'emburelicoque.]

10 Jalousie l'anniquenoque

Tant qu'il croit que face ma poque

Emplir par autre que par luy.

Je l'appaise bien, et luy dy :

« Pensez vous que telle noix croque,

1 5 Mon mary ? »

Jardin de Plaisance, éd. Verard. Titre : Autre rondel, 14. voix.

2l6 LE PARNASSE SATYRIODE

En fréquentant les basses marches Et les maretz du bas pays, Nagueres, dont suis esbahys, Trouvay sentiers plains de crevaces, ^Puis après, par dessus, grans arches :

Bn ung effroy ravy me vis

En fréquentant [les basses marches.]

Lors, pensant que, pour aymer garces, En lieu obscur m'estoye mis, 10 Je dis : « Une autre foys, amys,

Prens-toy garde comment tu marches En fréquentant [les basses marches.]

Jardin de Plaisance, éd. Verard, f" 93 V». Titre ^Autre rondel.

Hau, compaignons, resveillons nous, Et ne soyons plus en soussy !

Tantost viendra le temps joly Que nous aurons du bien trestous.

5 Laissons dire ces faulx jaloux

Ce qu'ilz vouldront, je vous en pry — Hau, compaignons, [resveillons nous !]

Tant qu'est à moy, je boy à vous !

Huchons Ernoul, Trubert, Henry, 10 Jehan, Françoys, Hugue et Thierry ! Et Godeffroy dira à tous :

Hau, compaignons, [resveillons nous !]

Jardin de Plaisance, éd. Verard. f» 96. Titre : Autre rondel.