AE

das HU

ee. D EMAN DE SAINTRE

cueurs et les meurdrir ? Dieu et nature vous ont ilz donné telle puissance que de prendre, et mectre en vos lacs, cueurs de papes, de cardinaulx, d'evesques, d'archevesques, d'empereurs, d'emperieres, de Toys, de roynes, de ducz, de duchesses, de patriarches, de marquis, de marquises, de princes, de princesses, cueurs d'abbez et d'abbesses, de contes, de contesses, et de gens de tous aultres estats, et religieuses espirituelles et temporelles ? Que d’aulcuns en avez prins les cueurs, ainsi qu'en maintes histoires se treuve par escript, dont vous en estes tres faulcement et mauvaisement serviz, et puis à la fin habandonnez, et meritez d’avoir perdu leurs ames, se Dieu n'en a mexrcy, et leurs honneurs ; tesmoings ceulx cy, dont, pour venir à mon propos, je m'en delaisse, qui dit ainsi.

L’ACrEuR, — Quant ma dame par telle force fut contraincte de laisser damp Abbez et soy departir, tant estoient grans leurs douleurs à souffrir que je ne scauroye reciter, ne escripre. Toutesfois les promesses de damp Abbez furent que souventesfois en habit dissimulé la yroit veoir ; et par celle doulce esperance, à tres grans destresse de leurs cueurs, prindrent congié l’ung de l’aultre, et eust esté bonne la compaignie, se ne fust le departir.