CHAPITRE XXIIII

Comment la dame advertit la royne que Saintré estoit merveilleuse: ment bien acoustré de coursiers et aultres choses; parquoy ladicte royne dist à Saintré qu'il fist admener ses chevaulx en la gallerie, pour les voir, ce qu'il fist. Et comment le roy et la royne les virent, qui moult le priserent.

L'ACTEUR, — Lendemain au matin, à l’atourner [la toilecte] de la royne, ma dame n’eust pas mis en oubly la veue de ses beaulx paremens ; si dist à la royne tout bellement : Ma dame, j'ay ouy dire que ce jeune filz Saintré a fait faire tres beaulx paremens à merveilles ; vrayement je ne le puis croire ; toutefois, ma dame, se c'est vostre bon plaisir, que vous les voyez ? et entre nous femmes sans plus, car j'entens qu'il les tient bien serrez ; et quant vous l'en prierez, il le fera tres voulentiers. Dictes vous, Belle Cousine, qu’ilz sont si beaulx, selon ce que on dit ? Ma dame, encore plus beaulx, que je ne

vous scauroye dire, Alors, dit la royne, se nous ne sommes esconduyttes, nous les verrons, ma dame, et scaurons que. c'est pour ce qu'il les tient si cellées. Dictes luy qu'il face venir ses quatre destriers cy bas en la petite court, et face porter les paremens couverts, lesquelz seront la mis dessus, et vous ferez les portes clore et bien $sarder. Ha ! par ma foy, dist la royne, vous dictes tres bien ; faictes men souvenir quant le verrez. Et ces parolles finées, la royne va à la messe, et en la chambre de parement vit Saintré qui là estoit. Lors ma dame s’avanca, et dist bellement à la royne: Ma dame, veez là Saintré. Lors la royne appella Guillaume de Lins, son huyssier d'armes, et fit appeller Saintré : Saintré, se Dieu vous doint joye, dist la royne, de la chose que plus desirez,

nous vous prions que puissions veoir voz paremens d'armes sur voz destriers, qu’on dit qui sont si beaulx. Eh ! ma dame, dist-il, saulve l'honneur des diseurs, ce ne sont que paremens à simples compagnons ; ce seroit à moy honte que vous veissiez si povre chose. Et, beau sire, telz qu'ilz sont, nous vous prions que les veons en ceste basse court apres disner, et nous ferons clorre et bien garder les portes ; et pour le faire plus celement [en secret], se vous voulez, faictes porter voz paremens couvers par voz gens; et puis faictes venir tous voz destriers ; et quant ils seront couvers, faictes nous secretement appeller. Ma dame, puis que ainsi vous plaist, dit Saintré, voz prieres me sont entiers commandemens. L'ACTEUR., — Apres que le roy et la royne eurent disné, et que les tables furent levées, Saintré manda querir ses paremens et puis les destriers. Les portes furent closes ainsi que ordonné estoit, et puis les paremens mis sur les destriers, Alors Saintré s’en va à la royne, ainsi qu'elle avoit dist. Lors la royne, hastée de ma dame et du desir qu'elle en avoit, ne se peut tenir que au roy ne dist la venue des destriers couvers. Et comment, dist le roy, sont ilz si beaulx ? Monseigneur, vous les verrez, se vous plaist. Ouy, vrayement, dist le roy, faisons venir le vin de congié. Ah ! monseigneur, dist la royne, que gueres de gens n’y soient. Apres le vin de congié, le roy et la royne se partirent, et de dessus les galleries virent les destriers couvers, qui leur semblerent tres riches et tres beaulx. Lors toutes dames et damoiselles commencerent à louer Saintré, et à faire veuz et prieres que Dieu luy donnast grace de à grant honneur retourner. Et quant le roy se voulut retraire appella Saintré, et en devisant de plusieurs choses, il fut entré en sa chambre, puis s'en va en sa garde robbe; et ne tarda guere que par Jehan de Seuffle, son varlet de chambre, luy envoya, en trois saichetz, trois mille escus, pour employer aux affaires de ses armes, Et quant la royne entend que le roi lui a donné trois mille escus, elle en fut tres joyeuse. Lors appella ma dame, et luy dist : Belle Cousine, je suis tres goyeuse de ce que monseigneur a donné à Saintré trois mille escuz pour employer à son voyage ; vrayement, dist-elle, moins de mille ne luy en puis je donner, et je vous prie que luy en donnez deux ou trois cens. A ! ma dame, dist ma dame à la royne, vous taillez larges courrois d’autruy cuyr. Et à ce faire se fit moult prier. Et quant messeigneurs d'Anjou, de Berry et de Bourgoigne sceurent ce que le roy luy avoit donné

ANTHOINE DE LA SALE à et la royne, chascun d'eulx luy én donna ntiflé. Ainsi furet

sept mille qu’il eust, sans les autres dons que plusiéurs aultres

seigneurs luy firent. Et en verité il n'en enquist, ñe fit enquerir oncques deniers, dont il fut assez plus prisé, et disoit on : Nous devons nous bien ayder à un tel jéune escuyer, qui n'est encores que ung enfant, et de la bonté de sôn cüeur entreprend tant de vaillance ; en verité, il se doit bien aymer.