CEULX DE LA MARCHE DE FLANDRES

Le seigneur du Gaure, qui portoit de Flandres à trois lambeaulx de gueulles, et crie : Flandres au lion. Messire Henry de Flandres, qui portoit de Flandres, au baston coupponné d'argent et de gueulles, et crye : Flandres au coupplet. Messire Jehan du Gaure, qui portoit les pleines armes de Gaure, qui estoient de gueulles à trois lions d'argent, couronnés et armés d'or, et cryoit : Gaure. Le seigneur de Roddez, qui portoit d'azur au lyon d'or, langué de gueulles et armé d'argent, et cryoit : Roddez. Le seigneur de Ghistelle, de gueulles au chevron d'ermines, et crioit: Ghistelle. Le seignenr de Commines, d'or à l'escusson de sable, diapré, à ung orle de roses de gueulles, et cryoit : Commines. Le seigneur de Hallung, d'argent à trois lyons de sable couronnés, langués et armés d'or, et cryoit : Hailuns. Et maïnts aultres chevaliers et escuyers de Flandres.