CHAPITRE LIX
Comment, apres que ke terme fut venu pour aller en Prusse, le roy
baïlla sa baniere à Saintré, le commettant son commissaire. Puis comment ledict Saintré et les aultres seigneurs prindrent congié du roy, de la royne et des dames, qui menerent grant dueil au departir, especiallement la dame.
Et quant le terme de partir fut venu, et que Saintré et toute la compaignie furent en bon point, et eurent mandé leurs harnoys et leurs bagaiges, par chariolz et aultrement, et aussi leurs gens de traict, qui tous portoient jacquettes vermeilles où la croix blanche dessus estoit, alors Saintré et tous les nobles qui vestus estoient aussi de semblables robes comme leurs gens, qui estoient tres belles choses à veoir, apres la solempnelle messe ouye, que l'evesque chanta à Nostre Dame de Paris, eulx tous confessez, leur donna la benediction et la papale de paine et de coulpe absolucion ; et illec present le roy, fut benoiste sa baniere et toutes les auitres. Lors accompaignerent le roy, puis allerent disner, Et quant vint aux deux heures, que tous furent absoubz, allerent au roÿ, qui en la grant salle estoit ; la royne, messeigneurs el dames, la tous presens, vindre prendre confié. Et quant tous
furent à genoulx, le roy dist à Saintré : Saintré, je vous baiïlle
de ce voyage la conduite, et la charge de ma banniere qui represente ma personne, aussi des seigneurs et aultres nobles qui cy sont, et seront en la compaignie, Et puis aulx aultres seisneurs dist : Mes amys, vous tous estes nobles et de nobles maisons pattiz, esquelles il à eu de tres vaillans hommes assez, ausquelz vous avez par voz vaillances maintes fois
setnblé ; ores vous allez au service de nostre vray Dieu Jesus
Christ, où vous pourez acquerir le vray sauvement de voz ames; et vous recommande à tous nostre banniere, la tres saincte foy et voz honneurs. Les gens combatent, et Dieu à ses gens donne les victoires ; dont n’est point à doubter, que se vous £t les aultres princes et seigneurs chretiens, et tous ceulx qui combatre doivent, que se vous estes bien avec Dieu, qu'il ne soit assez mieulx avecques vous, pour quelconque grant puissance que les Sarrazins soient, qui sera telle que le nombre ne s'en pourra extimer ; et, quant à moy, je vous jure ma foy que, se ne fussent les srans affaires que j'ay, nous
ANTHOINE DE LA SALE
serions tous d'une compaignie. Et de ce je me cesse, mais d'une chose à tous je vous prie, du plus grant au plus petit, que soyez amys et freres, sans envyes, sans desbas et sans noyses; Car, par ce, sont maintes fois compaigsnies rompues et mises à deshonneur et perdicion. Et alors prent sa baniere et la baille au baron de Chastel Fromont à porter, et puis leur dist : Ores, mes amys, comme vostre roy et vostre chief à tous, je vous vueil donner ma benedicion. Lors fist le signe de la croix, et dist : Au nom du Pere, nostre Dieu createur, au nom du Filz, nostre redempteur, et au nom du sainct Esperit, nostre Dieu illumineur, ung vray seul Dieu en ‘trois noms et en trois personnes, puissez vous tous aller et retourner au saulvement de voz ames et de voz honneurs; vous priant tous, que chascun, perte ou saingne, que soyez honorablement, vous recordant que nul ne retourne s’il fait autrement. Et à ces parolles, en lermoyant des yeulx, et à grant peine disant : À Dieu, mes amys; il toucha la maïn à tous. Lors ouyssiez de tous coustez cueurs tendrement souspirer, et veissiez yeulx de toutes sens plourer, qu'il n’estoit celluy ne celle qui peust ung seul mot parler. Lors vont à la royne, qui pour ses pleurs estoit avecques ses dames traicte arriere et de cousté, adonc Saintré pour tous, en mieulx qu'il peust, commenca à parler et dist: Notre souveraine dame, est il nulle chose qu'il vous plaise moy commander? La royne envers eulx se tourna, et, sans dire mot, à tous toucha les mains. Puis vont à mes trois seigneurs les freres, et dirent semblablement ; lors dist monseigneur d'Anjou: Saintré, et vous aultres beaulx cousins et noz tres bons amys, vous avez ouy ce que monseigneur le roy a dist, allez joyeusement, et le faictes ; si ne pourrez que bien finer. Puis vontà ma dame; de celle ne fault point à parler, car combien qu'elle efforcoit sa nature et la tres griefve passion qu'elle avoit en resardant Saintré, que à bien peu s’en faillit qu'elle ne se pasma, et fust à l'envers tombée, se elle ne se feust bien tost levée, Puis s’en vont aux aultres dames et damoyselles, qui toutes ensemble! tel dueil faisoient plus que se tous leurs parens et amys fussent mors, disant entre elles : Helas ! dolentes, jamais ensemble telle et si joyeuse compaignie ne verrons. Les officiers de la court tous pleuroient, en regrettant Saintré, l’ung à l’aultre disans : Helas ! or s'en va celuy qui en noz adversitez nous confortoit, et qui en noz affaires nous conseilloit, et qui en noz necessités nous secouroit; et si ne scavons se jamais le
verrons. Lors de tous coustés le prenoient, faisans prieres et veuz en leurs cueurs, que à tres grant peine le peurent
laissier. Et ainsi s'en vont tous pour ce jour reposer.
L’ACTEUR. — Et quant lendemain fut venu, au matin les trompettes, pour mectre selles, commencerent à sonner. Lors trestous vont au moustier, et quant les messes furent dictes, chascun monta à cheval, et commencerent à partir ; là furent mes trois seigneurs d'Anjou, de Berry, de Bourgoigne et tous leurs gens, qui, pour honnorer la banniere du roy, hors de Paris les vouldrent accompaigner ; et des aultres chevaliers et escuyers, bourgeois et marchands de la ville, tant que à peine y en demoura un£g seul.
