CY COMMENCE LA BATAILLE

l'ordonnance de Chrestiens, et pour tenir eulx tous et leurs chevaulx en alaine; mais quant il vit que l'avant garde : 1e bougeoïit ou mouvoit, et que le grant traict des canons et co: levrines, des arcs et arbalestres des deux esles, grandemer les dommageoient, lors se pensa de rompre son ne

CNE VAR ANT C3 RATER UP CNY 7 AA E x : APE E és NL 19 ÿ

YBHAN DE SAMNPRE

manda faire deux pars de ses gens à pié, qui derriere luy estoient, et que chascune part courust sus aux batailles des gens de traict ; mais quant ilz se sentirent et furent du traict si merveilleusement touchez, n’y eut celluy qui osast approcher, et qui ne recullast. Alors le Turcq, comme desesperé, fist avancer ses bannieres, et tant que chevaulx peurent aîler, les ungs parmy les aultres, eulx escriant, viennent vers l'avant sarde ; lors les nobles Francois cryerent à haulte voix : Jhesus, nostre Dame, Montjoye, sainct Denys! La banniere du roy et toutes les aultres là furent, et tant que destriers peurent aller, les ungs parmy les auitres tres s'entrefierent, tellement que le seigneur de Saintré, qui, sur son tres puissant destriers, armé estoit, tous deux tres richement houssés d'orfaverie, esmaillé de ses armes, et sur son bacinet une tres riche honppe, par sus tous moult apparant, comme à Dieu pleut, actaint de sa lance le Turcq par l'estroict de sa visiere, si que il luy mist tout le fer dedans ; et, à l'empraindre [le pousser] que il fist, le renversa tout mort à terre. Lors commenca la bataille très dure et forte, car gueres d’eulx encores ne scavoient la mort de leur seigneur ; lors veissiez sens et chevaulx cheoïir et tresbuscher les ungs sur le: auitres, et de toutes pars cryer, que c’estoit merveilleuse chose. Maïs quant le seigneur de Saïintré se vit dessarny de ‘ sa lance, incontinent met la main à l’espée, et fiert à dextre et à senestre, qu'il n’y avoit Turcq qui place ne luy fist; et quant il volt joindre à la bannière, lors fut de toutes pars assailly, que, se ne fut l'ayde de Dieu, et qu'il fut bien tost secouru, sans nul remede il estoit mort ; mais la banniere du roy, qui par tout le suyvoit, à l'ayde des bons et vaillans Francois et des aulfres qui la conduysoient et faisoient de merveilleuses armes, donnerent de fors affaires aux ennemys, Et de les nommer seroit trop longue chose, et de declairer leurs proesses ; et aussi qui ne feroit declaracion des armes des ungs comme des auitres, en pourroit estre en malle grace; parquoYy, je prie à tous que à tant leur vueille seuffire, et soye tenu pour excusé ; mais du seigneur de Saintré, duquel l'istoire parle par expres, me convient plus avant proceder. Quant le seigneur de Saintré fut ainsi delivré, alors brocha son destrier des esperons, et vint au Turcq qui tenoit la bannière, et Iuy donna si grant coup sur le bras de son espée, si qu'il en fist la bannière cheoir à terre ; les aultres Turcs qui actendoient, en combatant, leurs secours, se defiendoient

ANTHOINE DE LA SALE. 22m Rene ARR

comme les plus vaillans d’eulx tous. Et endementiers que ceste si fière bataille se faisoit, les deux Souldans s'appro-. chèrent ; mais quant ïilz virent la banniere du grant Turc à terre, se arresterent pour prendre conseil quel party ilz prendroiïent, et quelle chose ilz feroient. Les Turcs, qui ne se peurentplus porter,nela charge soustenir, tant à cheval comme à pié, se rompirent. Alors, tant que chevaulx peurent aller, les

deux Souldans à grant haste envoyerent faire haster la tierce bataille pour les venir secourir ; et à ce coup fut heur que pour conforter, ayder et secourir l'avant garde de noz gens qui lassez et travaillez estoient, le roy de Behaigne et sa bataille qui faisoient une des esles, et ke duc de Lectonem qui faisoit l’aultre esle d’autre part, les vindrent tellement hurter, que tous passerent jusques aux bannieres, dont l’une fut portée et gectée par terre ; et quant leur bataille de pié, qui apres eulx venoit, apperceut la banniere de leur seisneur à terre, n'y eut celluy qui osast passer plus avant. Et quant

la troysiesme bataille, que conduysoient les roys de la grant

Armenie, de Sep, de Maroch et de Allapie, et le seigneur de

Vallaquie, virent les aultres deux batailles desconfites, et que

encores n’avoient assemblé à la grant bataille l'arriere garde,

ne les deux esles des gens de pié, furent tous esbahis ; toutes-. fois pour ce que venus estoient pour combattre, et estoient de

gens à cheval et à pié si tres puissans, conclurent que le plus tost qu'ils pourroient fussent assemblez. Et quant la grant bataille des Chrestiens virent la derniere bataille des Turcs approcher, lors les princes qui la gouvernoient, et qui n'avoient encores veu qui leur fust, ou eust esté besoing d’assembler, manderent à l'arriere garde que quant ilz les verroient assemblez, que hastivement s’approchassent pour ferir du cousté; car, en ce grant plain, n'avoient boys ne vallées où gens se peussent embuscher; laquelle chose et ordonnance fut bien tenue, et sur ces parolles furent tous | assemblez. Là fut la tres fiere, cruelle et mortelle bataille qui eust fait du mal assez ; mais l'arriere garde, au cry de nostre Dame et du TOY de Honguerie c'est assavoir Lancelot, tant qu'ilz peurent courre les lances couchées sur les arrests, frapperent au travers; et les deux esles du traict ferirentsur | eulx d'autre part. Et incontinent qu'ilz sentirent le traict, se rompirent et mirent en fuyte ; alors fut la mortalité si grande sans plus de deffence, comme se fust de brebis. Mais la bataille des gens à cheval dura tres longuement, et eust eu

assez plus de durée pour le grant nombre qu'ilz estoient, se l'arriere garde ne se fust avancée, qui fut cause de leur desconfiture plus briefve ; et à ce coup furent leurs bannieres portées par terre et desconfites, et du surplus de ceulx qui s'en peurent eschapper par la grace de Dieu, mis à la fuytte Là fut d'eulx l’occision si grande que, paravant ne oncques puis la bataille de Pharsale, où Pompée fut desconfit, ne fut faicte la semblable, Et là furent morts l'empereur de Cartaige, les deux Souldans de Babillonne et de Mabaloch, le grant Turcq Bazul, le seigneur de Valaquie, les roys de Maroch et de Alapie prinz, et tant d'aultres grans seigneurs prinz et mortz, que, pour abreger, je m'en passe; dont dura la bataille plus de six heures, et pour la nuyct qui survint, fut besoïing à noz gens de retraire, et d'eulx loger sur les marays d'ung estang et à l'entrée d’un boys; et là se raffrechirent et reposerent eulx et leurs chevaulx, qui moult laz et travaillez estoient, et medecinerent les personnes et chevaulx blessez, jusques au lendemain bien matin qu'on alla visiter et recongnoistre les trespassez, Et quant furent sur la place, trouverent entre les morz maints Sarrazins, navrez et feruz, qui tendoient les mains pour eulx rendre, maïs tous furent mis et rendus à mort. Et lors tirerent tous les Chrestiens qui furent cogneus aux croix qu'ilz portoient de diverses couleurs ; et ceulx qui n'estoient morz, furent prins et menés en l’ost, et puis es bonnes villes pour les guerir ; et lés morz à tres grans honneurs et solempnels services de Dieu furent enterrez ; et, par sur tous, les Francoys furent exemple des aultres, car tous se vestirent de noir, et par celle amour qu'ilz monstrerent porter lung à l’autre, furent de tous tres grandement louez.

ANTHOINE DE LA SALE