Cet, entrave qu'on met aux pieds de l'oiseau. (P. B

252 L'Automne.

Et le dessus de luy, et le dessus du vent '. Tous les trois vigoureux, au bransler des aisselles Sagement se portant, et sans lasser leurs aesles, Gaignent dedans le ciel ; or l'oiseau qui void bien Que pas un des suivans ne voile pour son bien, Redoublant et sa peur, ensemble sa vistesse, Haste son vol creintif, montant de telle adresse, Qu'avant que les oiseaux esgallent sa hauteur, Il a presque du ciel atteinct la profondeur. Mais peu à peu gaignants dessus luy d'advantage, Luy font croistre la peur et perdre le courage. Celuy-cy va premier, et l'autre le poursuit, Le troisiesme non loin, tousjours sa pointe suit, Et lors que, dessous eux, ils ont l'oiseau qui tremble, Ils fondent tour à tour et non tous trois ensemble Comme un esclat de fouldre. Or le Milan, qui void Descendre le premier, destourne de l'endroit Où roide il le void fondre, et d'une scavante sesle, Il évite, s'il peult, la descente cruelle. Mais le blanc tiercelet, vaillant et hazardeux, Regaigne le dessus d'un coup d'aesle ou de* deux. Comme quand Aquilon de sa gorge séchante Faict bruire des forests la verdeur esgaiante, Montagner la marine et les bleds ondoier, Quand Ceres de sa main s'appreste à les scier, Et qu'il cingle à travers (d'une bouffante aleine) Les aesles d'un moulin au plus haut d'une plaine : Vous voyez tour à tour les quattre se baisser, Puis quattre tour à tour vers le ciel se hausser; Celecy vient à bas, puis monte de vistesse : Un autre suit après tandis que l'autre baisse,

1 . L'oiseau jette après le milan prend son tour un peu loin pour monter plus à l'aise.

Vol pour Milan. 253

Et vient de tel effort qu'il n'est si hazardeux, Ny si viste coureur qui passe entre les deux. Ny plus ny moins l'oiseau, qui ne cède en vistesse Au vent ny à l'esclair, fondant et bat et presse Le Milan estourdi, qui, les serres en hault, Tasche à tuer cestuy qui plus rude l'assault l.

Tour à tour dans le ciel chaque oiseau se reporte Après leur ennemy, qui monte en telle sorte, Qu'il semble à qui les void, tant ils se portent hauts, Qu'aloètes ce soient ou plus petits oiseaux. L'œuil demeure attentif et ne sçait on des quattre Qui mieux fait le devoir; on les void bien combattre, Mais on ne peut juger dans le profond des cieux, Lequel vole plus haut, où lequel faict le mieux 2. Tousjours dedans le ciel et dans le vent se porte Le Milan ravisseur d'une aesle encores forte ; Au galop et à l'œuil, on suit avau le vent Où se faict le combat ; Rembure va devant Qui void les quattre oiseaux si haults dedans la nue, Qu'à peine les peut voir la plus subtile veue.

A la fin, dans le ciel, d'un bransle audacieux, Tous quattre se portants, se cellent à noz yeux, Et sans qu'on puisse voir leur bataille sanglante, Près du char de Phœbus, d'une aesle non pesante, Voylesla combattants, sans creindre toutesfois Que lassez du travail ils puissent une fois Tomber de lieu si hault; car la force, et l'adresse, Et le désir de veincre augmente leur vistesse.

Or on void à la fin, des célestes planchers,

1. Le milan estant pressé des oiseaux, se tourne les serres en haut pour se deffendre.

2. Les oiseaux montent dans le ciel à perte de veue, si qu'on ne les peut recognoistre pour la grande distance et hauteur.

254 L'Automne.

Tomber de la hauteur de quattre grands clochers, Le Milan esperdu, qui d'une a?sle pesante, Poursuyvi des oiseaux, faict en bas sa descente. Lors les oiseaux veinqueurs, et non faillis de cœur Le choquent tour à tour de si grande vigueur, Que, les griffes en hault, il est contraint descendre, Atfin des assaillants qu'il se puisse deffendre. Mais des coups qu'il reçoit, au rencontre impiteux, Qui le font geindre et pleindre, en fin de l'un d'iceux Il reçoit si grand coup, là où ses larges œles Se joignent çà et là sur ses lasses aisselles, Qu'il ne peut faire tant, que, par si grand effort, Crevé dedans le corps, il ne tombe mi-mort. Lors il est empiété de la serre cruelle Des vaillants assaillants culbutants pesle mesle, Lié de tous les trois, d'un mortel entrelas.

Ne pouvant se deffendre, il est amené bas ; Ils tombent tous ensemble; au tomber on approche Pour sauver les oiseaux de sa forte main croche : Si tant est qu'il soit tel qu'il puisse tenir fort Contre tels ennemis acharnez à sa mort ; On luy oste la teste ; autrement (si l'on pense Que contre leurs assaults soit vaine sa puissance) On leur laisse tuer, pour ne les rebuter, Puis d'une autre viande on les vient contenter.

Quoy Muse mon soucy ? veux-tu donc que j'oublie, Demeurée à Beau-jour ma chère compaignie ? Sus, sus, tourne ton vol et, tandis que les cieux D'un visage serein se monstrent gracieux, Jette toy dedans l'aer! sus, estends moy ton aesle

Divers Plaisirs. 25$

Pour voiler à Beau-jour du plus haut mont de Goelle ' : C'est trop ici muser, allons doncq', mon amour, Car il faut être là devant le poinct du jour.

Et quoy? je vois desjà chascunloing de paresse, Bien qu'il soit grand matin, retourner de la Messe! Et quoy ? je voy desjà les panderets chargez, Les pieux et les biguets 2 d'autre costez rangez ! Si j'entre plus avant, je voy la nappe mise! Quoy ? jà pendue au col chascun la trompe a prise ! Jà les chiens sont couplez, et de toutes les parts, Pour guerroyer aux bois, s'aprestent les soudartz !

Sus, sus, esveillons-nous, et nous fourrons d'em- Et de teste, et de cul, parmi ceste assemblée, [blée, Monstrons leur que sans nous ils ne deveroient pas Mettre en la main le verre, et dans les bois leurs pas. Ha, c'est doncques ainsi! sus, sus, alarme, alarme, Entrons, saisissons-nous, et d'un rouge vacarme, Deschargeons leurs canons !çà, je veux de plein sault, De cestuy-cy chargé, leur déclarer l'assault. Rompons leurs gabions. Ha, ma Muse, m'amie, Tout beau ; car ce n;est point une gent ennemie ! Chantons ores la paix; tournons nostre courroux Sur ce rouant surmoust, si plaisant et si doux; Or çà doncq, mes amis, que la paix soit donnée : Sus allaigres, et gays, commençons la journée.

Sus doncques, mes amis, puisqu'ainsi je vous voy, Francs d'ennuis, de chagrin, de tristesse et d'esmoy, Et que le soing cuisant, qui les autres oppresse En repos vostre esprit, en paix vostre ame laisse ; Sus, venez, suyvez-moy ! que si quelqu'un de vous