Ce sont trois jeux de cartes. (P. B

266 L'Automne.

De Loups et de Renards, qui soit de ce costé. Là mon chemin je dresse, et par voye diverse, De buisson en buisson, ce quartier je traverse. Tantost d'un pied tardif je marche regardant Si rien devant mes yeux n'ira se hazardant ; Je m'arreste, j'escoute, or levant mon aureille, J'appercoy d'un grand Cerf la teste nompareille, Qui, marchant d'asseurance à son chemin brouttoit, Selon son appétit, le bourgeon qu'il trouvoit. Je l'approche assez prés ; mais voyant que la beste N'avoit à ses costez aucune Biche preste, Je passe mon chemin, n'ayant point le désir De tirer sur cela qui donne aux Roys plaisir, Estimant un tel faict acte de villenie, Et mesme à la Noblesse une grande infamie. Quant à moy, j'ayme mieux rencontrer à ma main Le Renard cauteleux, ou le Loup inhumain : Que si, parfois, aux bois ainsi je me pourmeine, Le plaisir seulement, non le proffit me meine; Ne ressemblant à ceux qui se laissant presser D'un avare soucy, n'iroient jamais chasser, S'ils ne pensoient avoir, ou Cerf, ou Lièvre, ou Biche Pour en garnir le crocq de leur cuisine chiche.

Ayant laissé mon Cerf, je passe plus avant, Je chemine sans bruit, je m'arreste souvent; Je regarde, j'escoute, et ne trouve en ma voye, (Bien qu'en fort bon pays) rien qui m'apporte joye.

Or estant prests d'Ivor, dans un bled Sarrasin, Je voy, le long du boys, maint et maint marcassin Par la Laye menés; qui jà desja doubteuse Bransloit pour regaigner la forest ombrageuse ; Lors loing je me retire, et pour la rasseurer, Mon homme à deux cents pas je fais là demeurer, Luy chargeant qu'aussi tost qu'il verra qu'en la taille

Divers Plaisirs. 267

Je seray bien avant, niaisant, il ne faille

A se monstrer à elle et qu'il se garde bien

De trop l'espouvanter, afin que le moyen

J'aye de la mirer; elle ira d'asseurance,

D'autant qu'à l'autre embusche encor' elle ne pense ' .

J'ente le tire-plomb dedans l'encrouë, afin

De recharger dequoy tirer au marcassin.

Or estant à l'endroit où je mescroy la beste Devoir entrer au boys, à tirer je m'appreste : Je fais signe à mon homme, alors à moy venant, La mère et les petits droit il va m'amenant : Les petits sont tousjours aux costez de la mère, Qui tourner de rechef dans le gaignage espère; Lors ne voulant tirer pour un seul à la fois, J'en mire quattre ou cinq, dont j'en culbute trois. La mère espouvantée, à travers le boscage Fuyt, sans se soucier de son petit lignage, Qui dans le bois entré, se blotissant, craintif, Demeure, ayant le pied pour suyvre trop tardif.

Après ce coup heureux, suyvant tousjours la rive, Le long d'un beau pré verd, sans y songer j'arrive : Là, cachez d'un buisson, je voy deux pastoureaux Querellants, sans soucy de leurs pauvres troupeaux : Mais voyant que Phœbus nous rameine la sorne (Sans beaucoup escouter leurs devis) je retorne De rechef dans le bois, où ayant tracassé, Et par maints lieux déserts passé, et repassé, Je dresse mon chemin, où j'entends, ce me semble, Et Robert et René qui devisoient ensemble. J'approche en tapinois, curieux de sçavoir Leurs propos; je chemine un peu loing sans les voir, Mais je trouve à la fin, soubs la verde couldrette