AVECQ' LA RETZ SAILLANTE

Doncques le païsant qui jà, dès sa jeunesse, Sçait comme il faut chasser et dompter la paresse, Voyant le blanc amas continuer trois jours, Vient dedans la forest; il y faict tant de tours Qu'ayant veu le pays où, depuis la gelée, Hante de gros ramiers la plus grande volée, Faict en terre une place, oste ce qui luy nuyt, Y jette de la faine » et ce qu'il sçait qui duit Pour amorcer l'oiseau; puis voyant, la soirée, Que les ramiers coquins n'esloignent la contrée,