AU LECTEUR

Amy lecteur, pensant clore mon livre par ceste précédente chasse du sanglier, j'ay advisé n'estre inconvénient y adjouster celle qui s'ensuit, pour avoir esté faicte depuis cinq mois et pour estre assez notable, y ayant esté pris six loups à moins de deux heures, sans panderets ny bricolles (comme tu pourras voir par le suivant discours faict à la vérité), ains seulement à force de chiens courans et course de lévriers, qui n'estoient que six en nombre, dont y en avoit quatre d'estrique et deux forts mestifs bien mordants. Il te plaira le croire ainsy comme il est vray. — A Dieu!

2. Jolie maison à demi-lieue de Dampmartin, sur la crouppe d'une montaigne.