C'est la principalle coullée d'un terrier
Chasse du Blaireau. }$
L'oreille pour juger où se meine la guerre, Et frappant de la main deux, trois et quatre fois, Je donne cœur aux chiens et double leurs abois; Si que, mieux entendus, ils donnent à cognoistre, Plus seurement, l'endroit où la beste peut estre. A la fin, asseurez où il falloit bescher, En trois ou quatre coups nous faisons despescher, Si bien qu'en peu de temps la mère fut ouverte, Et aussi tost après la beste descouverte.
Lors le blereau se void, et les chiens d'alentour Se mettent au permis, et les uns tout autour; D'autres la teste en bas, animez à la proye, S'achèvent, pour entrer, une plus large voye. A l'heure Diamant se voyant tel secours, Entre et se lance, fier, d'un prompt et roide cours, Sur le collet enflé de la beste, qui pense Que sa peau dure soit assez pour sa deffense. Les autres chiens tandis, et puissants et ardentz, S'efforcent qui, premier, gaignera le dedans; Ils empeschent l'un l'autre, et seullement la beste A ceux qui sont dedans s'amuse à faire teste. On cuide ce pendant les retirer de là ; Mais peu, où point du tout, proffite tout cela, Car ils rentrent de force ; or la meute acharnée Opiniastrement sur la beste estonnée, Tousjours sa pointe suyt; en fin je voy Mirault Qui le tient au collet, les deux jambes au hault. Il ne peut le tirer, ains en vain s'y efforce ; Car, ainsi qu'il estoit, il n'avoit point de force. Le blereau se deffend et ne peut toutesfois Nuyre aux chiens de dessus, lesquels souventes fois L'attachent par le doz ; là se void double guerre ; L'une se fait dessus et l'autre dessous terre, Et l'assailly qui ja void l'ennemy dedans,
34 Le Printemps.
L'abboyer teste à teste et luy monstrer les dentz, Résiste à son pouvoir et de dent dangereuse Le poursuyt quelquefois dedans la mine creuse.
Des tenailles en fin on prend, et de bras fortz On l'attache au collet pour le mettre dehors ; Et pource que le nez il creint sur toute chose, Soubz son ventre il le cache, et descouvrir ne Pose. •
En ce pendant les chiens, de fureur transportez, Sa dure et forte peau tirent de tous costez ; Mais peu ou point du tout proffite leur morsure, Car plus que d'un sanglier ils trouvent la peau dure. On leur oste à la fin, puis fait-on retirer La meute, dont quelqu'un tousjours le vient tirer; Puis luy ayant rompu la maschoùere forte De dessous, à Beaujour en un sac on l'emporte. 2 Ainsi nous en allons à pas lent et petit, Emportant avecq' nous la prise et l'apetit. Nous nous mettons à table, et parlants de la prise, Des ruses, des assaults, des tours, de la surprise, Nous passons le disner. De la table levez, Sommes tous au milieu de la court arrivez, Où nous faisons venir Diamant et Turquette, Foliot et Garçon, et la jeune Folette; Puis, tous les huys fermez, dedans le sac caché, Enflé comme un tabour, le blereau fut lasché. Aussitost un abboy à Penviron commence ; Comme la beste peut, se remet en deffence; Elle va, puis retourne, et s'acculle en un coing, D'où les chiens approchants n'abboyent que de loing.
i . Le blereau creint le nez sur tout, pource que c'est l'endroit le plus mortel qu'il ayt.
2. On rompt ordinairement la maschoire de dessous à un blereau, pour qu'il n'offence les chiens.
Chasse du Blaireau. $$
Lors, du plat de la main, animants leur courage, Les faisons approcher du blereau d'advantage. Diamant, le plus fier et le plus vigoureux, Brusquement le poursuyt; les autres, moins peureux, Le voyant assaillir, tous d'un accord s'advancent, Et ores à son col, ore à ses flancs se lancent ; Mais ils mordent en vain, car sa trop dure peau Ne se peut offenser par si foible trouppeau.
En fin comme un sanglier, d'une fureur poussée, Vient au milieu de nous la beste courroussée, Pensant nous offenser; les turquets ' acharnez Tousjours sont à ses flânez bouillantz et obstinez. [Il court de ça de là, comme en un marescage Faict le sanglier poussé des chiens et d'une rage. Les plus grands renfermez entendant le débat, Heurlent du deuil qu'ils ont qu'ils ne sont au combat.] En fin, ceux-cy lassez, au vallet on commande De lascher du chenil cinq ou six de la bande; Alors, d'un cœur ardent, approchant les costez Du blereau mal'heureux, dessus luy sont saultez; Encores ne peut pas ceste troupe hardie A ce dur animal faire perdre la vie, Tant est gros et enflé; on lasche d'abondant Deux ou trois forts lévriers qui, de plus vive dent, Tirent et cà et là ses flancs, de telle sorte Qu'ils rendent à la fin la pauvre beste morte.
Tout le reste du jour, par ce que la chaleur Est grande tellement qu'elle emplit de sueur Les corps vains et recreuz, les uns délibérèrent De jouer au tarot, les autres s'en allèrent En leurs chambres dormir; moy, d'un autre costé,
