Ferme non loing de Sainct Laurent

Chasse du Loup. 153

Que feroit ceste beste, un entier demi-jour ; Car le long de la nuict ceste grande beste rage De maison en maison, de village en village, [Et de parc en parc va toute nuict, ne cessant De rauder jusqu'à temps qu'elle aille finissant; Et lorsqu'il voit au ciel l'aurore rougissante Dans le profond du bois il refaict sa descente.

Oudin donc, sans deffaire entièrement la nuict, L'oree seulement et le rivage suit Pour abréger chemin. Or à la fin il trouve Un moyen loup entrant, ou bien une grand' louve Du costé de Beauchesne, et à quinze et vingt pas Un de mesme grandeur. Ceux il ne cerche pas, Ains seulement le grand. Or après longue peine,] (a) Estant prêts de Noir-val, il le void en la plaine Qui marchoit d'asseurance ; or voyant son marcher, Il croit qu'il n'est encor' prest de se rembuscher; Dans le bois il se cache, à celle fin qu'il voye De loing (sans estre veu) quel chemin, quelle voye Pourra prendre le loup ' ; or il le void tourner Le long d'un parc prochain, puis tout court retourner, Aboie des mastins; mais la beste meschante Peu ou point des mastins aboyants s'espouvante. Il va le petit pas puis, sans beaucoup tenir Conte de leur aboy, là les attend venir. Les chiens espouvantez, redoubtans sa furie,

a. Var., en place des onze vers entre crochets :

Aux champs de parc en parc : ne cessant, que le jour L'ait contraint de rentrer au creux de son séjour Doncq Oudin le ctrchant, non sans beaucoup de peine,