I. Remondin, veneur du comte de Fiers

Chasse du Cerf. 3)3

Pour s*en aller en queste et chercher si avant Qu'il puisse en seureté rembuscher « ceste beste Pour en donner plaisir à ta brigade preste.

Ton cœur doncq généreux, à grandes choses né, Voyant à l'impourveu le beau jour retourné, Qu'Apollon n'eust si tost tiré sa tresse blonde De r Indois océan pour commencer sa ronde, Faict que bien esveillé lu te levés d'un sault, Pour donner à ce cerf maint et maint rude assault ; Et, bien que les rayons de la grande lumière Nous aillent menaçant d'une ardeur coustumière, Tu ne laisses pourtant ton dessein valeureux Tant est ton cœur et noble et grand et généreux. Chascun, pour t'assister, met en jambe la botte ; De trompes se pourvoit qui sçait bruire la notte Qu'il faut pousser dessus, ou de gresle, ou de bas. Pour ramener les chiens ou pour doubler leurs pas.

Là ce Comte* courtois voulant faire cognoistre Combien il te cherist, faict tous ses chiens paroistre, Pour t'en donner plaisir et faire voir d'effect Qu'il désire surtout de t'en voir satisfaict. Là t'assiste ce bon et vaillant Franqueville^ Et d'autres escuyers une trouppe gentille.

A beaucoup desirans te donner un plaisir Augmente, en te voyant, l'envie et le désir.

Ayant donc desjeuné, ta noblesse fidelle Qui désire assister ta grandeur, monte en selle. Et avecq le grand trot de courage te suit, Pour estre où Remondin à la chasse bien duit A rembusché son cerf, qui peut-estre rumine