Du costé de deçà : Par deçà, au milieu des deux rets

(Sans craindre le tireur) droict dans les rets se jette.

Le hamois estant bien, Jaquet prend le cordeau, Qui de loing faict tourner le reluisant oiseau, Et assis contrebas accommode en sa bouche Le chifflet imitant Taloëtte farousche.

Et du plus haut des cieux faict descendre du son L'oiseau, qui bavolant s'esgaie en sa chanson.

Aux beaux rais du soleil la trouppe voletante Triritant s'esjouit de la clarté plaisante. Faisant un doux combat, çà et là, deux à deux, Pour se donner plaisir, or à bas, or aux cieux. Et ne cerchant sinon que d'une sesle gaillarde S'esgaier voletant ; en fin Tune regarde Le mort-luisant oiseau, qui, tournoiant tousjours, Luy faict faire dans l'aer et mille et mille tours ; Tant qu'en fin se baissant, du ciel descend grand' erre Au milieu des deux pants, et à deux pieds de terre.

Alors, voyant mon beau, je roidis mes deux bras , J'estrique mes deux pieds, puis me renversant bas Je tire le cordeau, enlassant dans la maille