TOMB II

L'HYVBR.

LE TRAINEAU.

Or doncq nous nous portons où l'aloëtte grasse Dans les estoubles haults la nuict et le froid passe. Là je prends le traineau d'une main, et Jaquet Tirant à soy son bout, cheminons sans caquet, Et sans voir devant nous (tant il faict noir et trouble), Faisans cacher le feu, nous entrons en Testouble ; La brigade nous suit, qui des pieds faict lever L'oiseau qui loing de nous cuideroit se sauver; Et, si tost que l'oyons entre nous deux débattre. En un coup ne faillons de lascher et abbattre La picque que tenons ; lors le pauvret oiseau Des mailles enlacé débat soubs le traineau.

La lanterne paroist, afin qu'à la clarté Puissions prendre l'oiseau soubs la maille arresté.

Plus oultre nous passons, prenans soubs le cordage Une aloëtte, et deux, et trois, et d'advantage ;